Albisteak

Gaur eguerdian irekiko ditu ateak Zaharren Babeslekuko tabernak

Gaur, abenduak 29, zabalduko da Zaharren Babeslekuko taberna, azken asteetan berritze-lanak egin eta gero. Udalak egindako lehiaketa irabazi ondoren, Mikel Rekarte izango da aurrerantzean taberna kudeatuko duena.

Berritze- eta prestatze-lanak nahi baino gehiago luzatu dira, hasieran uste zena baino lan gehiago egin direlako, batetik, eta, bestetik, bizi dugun pandemia-egoerak ere eragina izan duelako.

Udalbatzarrak ohiko bilkura egingo du ostegunean, abenduak 30

Bilkura udalbatzarraren aretoan egingo da, udaletxean. 19:30ean hasiko da, eta gai hauek aztertuko dira:

Antolatzaileek gogorarazten dute San Silvestre lasterketan parte hartzeko izena eman behar dela

Orioko Atletismo Taldeak antolatu du aurten abenduaren 31ko San Silvestre lasterketa eta parte hartu nahi duten herritarrei gogorarazten die aldez aurretik eman behar dutela izena parte hartzeko.

Ia ehun lagun daude izena emanda dagoeneko, baina, kontuan hartuta beste urteetan askoz jende gehiagok parte hartzen duela, Atletismo Taldeak beharrezko ikusi du gogoraraztea nola egin behar den izen-ematea aurten: Orioko San Silvestre lasterketan parte hartu nahi duten helduek herrikrosa.eus atariaren bidez eman behar dute izena, 8 euro ordainduta. Haurrek doan parte hartzeko aukera izango dute, eta egunean bertan eman beharko dute izena, lasterketa abiatu baino lehentxeago.

Futbol 7 txapelketa jokatuko da Orion, abenduaren 28an

Asteartean, abenduak 28, Futbol 7 txapelketa jokatuko da Orioko Mendibeltz futbol-zelaian, 10:00etatik 20:00etara bitartean.

Zorionak eta urte berri on!

Urte zaila utzi dugu atzean. Ez da erraza izan inorentzat, baina elkarrekin indartsuagoak garela ikasi dugu.

Eskerrik asko bihotzez erronka handi honi herri bezala erantzuteagatik.

Zaindu dezagun elkar, izan gaitezen, inoiz baino gehiago, herri. Elkarrekin errazagoa izango da.

Anuska Esnal, Orioko alkatea

Orioko itsas ondarea jasotzen duen «Errioa, gure nortasuna» errelatoa aurkeztu du Udalak

Xabier Alberdi, Jesus Mari Perona, Xabier Agote, Iñaki Iturain eta Ibon Gaztañazpi adituekin landu da kontaketa, eta Iñigo Exposito arduratu da proiektuaren koordinazioaz. Liburuxka aste honetan jasoko dute etxean oriotarrek.