Ira10

17:30 eta 19:00

Herriko aparkalekuei buruzko bigarren gogoeta-saioa antolatu du Udalak

Lekua: Kultur etxea

Antolatzailea: Orioko Udala

Traducción automática al castellano

Herriko aparkalekuei buruzko gogoeta egiten ari da Udala, prozesu parte-hartzaile baten bidez. Lehen gogoeta-saioa maiatzaren bukaeran egin zen, modu telematikoan, eta orain segida emango zaio hasitako gogoetari, bigarren saioa antolatuta.

Gogoeta-saioa irailaren 10ean egingo da, ostegunarekin, eta, parte hartzeko, izena eman behar da aldez aurretik, webguneko orri honetan (beheko irudian klik eginda). Udalak dei egiten die gaiarekin interesa duten guztiei, izena eman eta parte hartzeko.

Bi saio egun berean

Aforo-mugak behartuta, bi saio egingo dira egun berean, bat 17:30ean eta bestea 19:00etan. Saio bakoitzean 25 lagunek hartuko dute parte gehienez, eta horregatik da beharrezkoa aldez aurretik izena ematea. Behin aforoa betetzen denean, ezin izango da izena eman.

Saioak kultur etxeko areto nagusian egingo dira eta ordu eta erdiko iraupena izango dute.

Saioak euskaraz izango dira eta herritarrek aukera izango dute beren ekarpenak euskaraz nahiz gaztelaniaz egiteko. Bertan erakutsiko den material idatzia bi hizkuntzetan aurkeztuko da eta, beraz, euskaraz ondo ez dakitenek ere jarraitu ahal izango dute.

 emanizena20

Webgune honek cookie propioak eta besteenak erabiltzen ditu, nabigazio zerbitzuak hobetzeko asmoz. Nabigatzen jarraitzen baduzu, gure cookieen politika onartzen duzula ulertuko dugu.