Udako oporraldia aprobetxatuta, aldatu egin du Udalak musika eskolako berogailu-sistema. Orain arte berogailu elektrikoak zeuden musika eskolan eta Danbolineko zuzendaritzaren aspaldiko eskaria zen horiek aldatu eta sistema egokiago bat jartzea.
Abuztuan egin da egokitzapena: elektrikoaren partez, gas bidezko instalazioa jarri du Udalak eta kondentsazioko galdara bat ere instalatu du. Sistema berria erosoagoa da erabiltzaileentzat eta, horrez gain, askoz efizienteagoa da energetikoki.
Kostuak
Instalazio osoaren kostua 26.998,78 eurokoa izan da, honela desglosatuta:
- Gasaren instalazioa ‘Instalaciones Palacio’ enpresak egin du eta 3.541,67 euroko kostua izan du (BEZa barne).
- Berogailu berrien instalazioa, berriz, Fojansak egin du eta 23.457,11 euroko kostua izan du (BEZa barne).
