Errezabal bidean euri-urak biltzeko lanak egingo ditu Udalak

Errezabal bidean, Ortzaikan, ur asko jaisten da euria egiten duenean, eta ur hori N634 errepidera iristen da gero, putzuak eta arriskua sortuz.

Hori dela-eta, bertako urak bideratzeko lanak egingo ditu Udalak, Uzkue Eraikuntzak enpresaren bidez. Lanen kostua 25.000 eurokoa izango da, BEZik gabe.

Gaur hasiko dira lanak

Gaur, abenduak 18, hasiko dira lanak egiten eta 2-3 asteko iraupena izango dute.

Udalak barkamena eskatzen die, aldez aurretik, inguruko bizilagunei, eragozpenengatik eta ahalik eta endredorik gutxien sortzen ahaleginduko dela adierazi du.