Kiroldegiaren oharra, itxiera konpentsatzeko irizpideei buruz

Udalak Karela kiroldegia eta gainerako udal-ekipamenduak hamabost egunez ixtea erabaki zuen ostegunean, pandemiaren egoeragatik.

Kiroldegia kudeatzen duen BPXport enpresak ohar hau kaleratu du, itxiera konpentsatzeko Udalarekin adostu dituen neurriak azaltzeko:

Orioko COVID-19 intzidentzia-tasa dela eta, Karela kiroldegia itxita egongo da 15 egunez.

Egoera konpentsatzeko hartuko diren neurriak jakinarazten dizkizuegu:

1.- Itxialdiak irauten duen bitartean ez da kuotarik pasatuko; beraz, ez da beharrezkoa bajarik tramitatzea.

2.- Irekitzerakoan, kuotaren zati proportzionala kobratuko da, urtarrilean itxita egondako egunak deskontatuz.

3.- Ikastaroak konpentsatzeko formula aurrerago zehaztuko da, egutegiak ahalbidetzen dituen aukeren eta une horretan indarrean dagoen arautegiaren arabera.

4.- Sarrera, ikastaro eta zerbitzu-bonuen iraupena luzatuko da, itxiera-epearekiko era proportzionalean.