Kulturak eta sormenak eskualdean daukan eragin sozioekonomikoa neurtu nahi du Udal Elkarteak

Balio erantsiaren, sormenaren eta berrikuntzaren alde apustu egiten den lurraldeetan, kultura eta sormen industriek garrantzi handia hartzen dute lurraldearen hazkunde ekonomikoan. Hori dela-eta, Udal Elkarteak erabaki du aztertzea KSI sektoreak eskualdean duen egoera. Sektorearen argazkia osatu nahi du datu eta adierazle sozioekonomiko zehatzekin, etorkizuneko politiketan kontuan hartzeko sektorea izan dadin.

Lau galdetegi online

Azterketa hori egiteko, adierazle sozioekonomiko zehatzak jasotzeko galdetegi laburrak diseinatu ditu Udal Elkarteak, sektoreko eragileek betetzeko.

Guztira, 4 galdetegi sortu ditu: sortzaile-artistentzat, sektoreko enpresentzat, museoentzat eta gainerako kultur eragile eta erakundeentzat. Eskualdean, modu batean edo bestean, KSI sektorean dabiltzan ahalik eta eragile gehienengana iristeko helburuz diseinatu dira galdetegi zehatz eta laburrak. Erraz eta azkar erantzuteko inkestak dira eta, gainera, online egiteko modukoak.

Hona hemen inpaktu sozioekonomikoa neurtzeko prestatutako galdetegiak:

Informazio gehiago

Zalantzarik izanez gero, edota informazio gehiago jaso nahi izanez gero, idatzi e-mail bat edo jarri Udal Elkartearekin harremanetan telefono bidez:

  • Enpresentzako Zerbitzuak (Idoia Etxarri, Eli Uzkudun)
  • Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
  • Tel. 943 890 808