Herriko Plaza berritzeko lanak datorren astean hasiko dira

Aldaketak herriko sartu-irteeretan

Obra Aritzaga kalean hasiko da irailaren 5ean eta lehen fase horrek 3 hilabete iraungo du. Hilabete horietan herriko sarrera Txistulari kaletik izango da eta irteera, berriz, Diketik; ondorioz, 2,40 metroko altuera baina gehiago duten ibilgailuek Txanka-Hondartzako errepidetik irten beharko dute (IKUSI IRUDIA).

zirkulazioa2019

Bi obra garrantzitsu horiek onura handia ekarriko diete herritarrei eguneroko bizitzan, baina urtean zehar izango dira noski ezustekoak eta aldaketak. Udalak ahalegin guztia egingo du herritarrei ahalik eta eragozpen gutxien sortzeko eta, ahal den guztietan, zabalik mantenduko dira goiko irudian ikusten diren bi norabideak. Obrak aurreratu ahala, hala ere, baliteke, herritarren segurtasuna bermatzeko eta obraren exekuzioa errazteko, bideren bat itxi behar izatea; kasu horretan, Txanka-Hondartzako bidea erabili beharko da.

Bilera irekiak, zalantzak argitzeko

Udalak deituta, bi bilera ireki izango dira irailaren 3an, asteartearekin, obraren inguruko informazioa emateko eta herritarren eta merkatarien zalantzak argitzeko. Bilerak kultur etxean egingo dira, bat arratsaldeko 16:00etan eta bestea, 19:00etan. Herritar guztiak gonbidatuta daude azaltzera.

Barkatu eragozpenak

Obra handia da eta urtean zehar sortuko dira, zalantzarik gabe, eragozpenak eta aldaketak. Nolanahi ere, kontuan hartuta nolako eragin positiboa izango duen Herriko Plazaren inguru berrituak herritarren bizimoduan, Udalak pazientzia eskatzen dizue herritar guztiei, emaitzak mereziko du-eta.

GAUR EGUNGO PLAZAREN EGOERA

plazazaharra19

LANAK EGIN OSTEKO PLAZAREN IRUDIKAPENA

plazaberria19