Udalbatzarraren bilkurak bideoan zuzenean ikusi ahal izango dira hemendik aurrera

Lehen saioa, ostegunean

Datorren ostegun honetan izango da iraileko ohiko udalbatzarra eta hori izango da zuzenean emango den aurrenekoa. Erlo Telebistak zuzenean emango du eta, Udalaren webgunean egin behar diren egokitzapen teknikoak egiteko denbora ematen badu, bertan ere ikusi ahal izango da. Oraingorako denbora ematen ez badu, urriko udalbatzarretik aurrera ikusi ahal izango dira bilkuretako bideoak zuzenean.