«Benito Lertxundi naiz» liburua aurkeztu dute gaur Orioko Udalak eta Denonartean argitaletxeak

Antton Kazabon eta Ainhoa Redondo, egileak

Liburua Denonartean argitaletxeak argitaratu du eta Orioko Udalak babestu du. Benito Lertxundiren bizitzako pasarteak jasotzen ditu, alde batetik, eta herri-kanta bihurtu diren hainbat kantaren letrak ere bai: «Loretxoa», «Bizkaia Maite», «Oi ama Eskual Herria!», «Baldorba», eta «Balearen bertsoak». Haurrei zuzendutako liburua da. Antton Kazabonek idatzi du eta Ainhoa Redondo ilustratzaileak egin ditu irudiak.

200 ale erosi ditu Udalak

Orioko Udalak liburuaren 200 ale erosi ditu eta herriko ikastetxeetara bideratuko ditu, belaunaldi berrietan kultur transmisioa lantzeko. Bestalde, aurten jaio diren haurrei San Nikolas jaietan egingo zaien harrera-ekitaldi edo «atsolorrean» ere, urteroko zapiaz gain, liburuaren ale bana oparituko zaio haur bakoitzari.

benitoliburuaurkezpena19