elhuyar itzaultzaile automatikoaren logoa Itzulpen
automatikoa:
ES FR EN CA GL

Hondakinen kudeaketa mankomunitatearen eskumena dela gogorarazten du Udalak

Egun hauetan kexak izan dira herritarren artean hondakinen bilketa dela-eta: abenduaren 25ean bilketarik egin ez zenez, hondakin ugari pilatu da hondakin-guneetan eta horrek kexak sortu ditu.

Horren aurrean Udalak gogorarazi nahi die herritarrei hondakinen bilketa ez duela Udalak kudeatzen, baizik-eta Urola Kostako Udal Elkarteak eta, beraz, kexak eta zerbitzua hobetzeko proposamenak hari bideratu behar zaizkiola:

Mari Domingi eta Olentzeroren bideoa

Lera taldearen laguntzaz etorri dira Oriora aurten ere Mari Domingi eta Olentzero.

Abenduaren 24ko iluntzean banatu zuten Lera taldekoek aurten prestatu duten bigarren bideoa. Aurrekoa bezala, bideo hau ere Miriam Garcia oriotarrak egin du, Lera taldeak eskatuta.

Zorionak eta urte berri on!

Eguberri berezi hauetan, inoiz baino gehiago, zaindu maite duzun hori!

Aritzaga, Endaia eta Herriko Plaza libre eta erabilgarri geratuko dira gaurtik aurrera

Lana guztiz bukatzeko geratzen diren erremateak (arketak, konponketa txikiak, kioskoko toldoa, altzari urbanoak, zabor-ontziak…) urtarrila-otsailetan egingo dira, baina plaza ingurua libre geratuko da, erabilgarri, gaurtik aurrera. Urte hasieran egingo diren lan txikiek ez dute sortuko eragozpen handirik, oso interbentzio puntualak izango direlako, toki jakinetan.

Hondakinak Biltzeko Zerbitzuaren oharra, Eguberriak direla-eta

Urola Kostako Udal Elkarteak jakinarazi du abenduaren 25ean eta urtarrilaren 1ean ez dela hondakinik bilduko.

Jaiegun horietan ez da puntuz puntuko bilketa-zerbitzurik izango merkataritza, ostalaritza eta zerbitzutako establezimenduentzat, eta kaleko hondakin-guneetan ere ez da bilketarik egingo.

Euskarazko produktuen katalogoa banatu du Udalak ikastetxeen laguntzarekin

Udalak euskarazko produktuen katalogoa banatu du egunotan, herriko bi ikastetxeen laguntzarekin. Guztira, katalogoaren 1000 ale erosi ditu Udalak eta, herriko ikasle guztien etxeetara bidaltzeaz gain, herritarren eskura jarri ditu kultur etxean eta udaletxean.

Gabonetako opariei begira, euskarazko produktuak sustatu nahi ditu Udaleko Euskara batzordeak eta horretarako banatu du katalogoa.

Udalbatzarrak ezohiko bilkura egingo du asteazkenean, abenduak 23

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

1.- Onartzea, egoki bada, udal-aurrekontu propioaren 10/2020 zenbakidun kreditua aldatzeko espedientea, kreditua transferitzeko modalitatean.

2.- Onartzea, egoki bada, udal-aurrekontu propioaren 11/2020 zenbakidun kreditu aldatzeko espedientea, kreditu gehigarriaren modalitatean.

Gabonetako bi otar zozkatuko ditu Arkupe elkarteak herrian kontsumitzen dutenen artean

Arkupe merkatarien eta ostalarien elkarteak Gabonetako kanpaina jarri du martxan, urtero bezala, herrian erosten dutenak saritzeko asmoz.

Arkupek bi otar osatu ditu parte hartzen duten establezimenduek egindako ekarpenekin. Guztira 34 establezimendu dira kanpainan parte hartzen dutenak. Abenduaren 14tik 21era establezimendu horietan kontsumitzen dutenen artean zozkatuko dira otarrak.

Urola Kostako Udal Elkarteak 2021eko aurrekontua onartu zuen asteazkenean

2021eko aurrekontua 9.081.770 eurokoa da. Abenduaren 16an Udal Elkartearen egoitzan egindako Batzar Nagusian onartu dute Aia, Getaria, Orio, Zarautz eta Zumaiako zinegotziek. Aurrekontuak EAJko eta Elkarrekin Podemoseko hautetsien eta PSE-EE alderdiko hiru zinegotziren aldeko botoekin onartu dituzte. EH Bilduko hautetsiek aurka bozkatu dute eta PSE-EEko zinegotzi bat abstenitu egin da.

Ostiralean banatuko dira Orioko postontzietan Udalak argitaratutako patrikako egutegia eta UEMAren berripapera

Udalak patrikako egutegia argitaratu du aurten ere eta ostiral arratsaldean banatuko da herriko postontzi guztietara. Egutegia tamaina txikikoa da, karteran erabiltzeko modukoa, eta herriko telefono-agenda bat ere badakar, herritarrentzat baliagarria izan daitekeena.

Gipuzkoako COVID-19 mapa sartu du Udalak webgunean, pandemiaren egunean eguneko datuak emateko

Gipuzkoako Foru Aldundiak garatutako aplikazio bati esker, herritarrek COVID-19ko pandemiaren Gipuzkoako datuak kontsultatu ditzakete egunez egun: bezperako positibo berriak, 14 eguneko datu metatuak, 100.000 biztanleko tasa, guztirako positiboak eta hildakoak…).

«Herri txiki, infernu handi» telebista-programak ekitaldia egingo du pilotalekuan abenduaren 28an

Euskal Telebistako «Herri txiki, infernu handi» saioak Oriori eskainitako programa grabatzen ari da herrian egun hauetan. Dagoeneko grabatuta dauzkate elkarrizketak zenbait herritarrekin eta abenduaren 28an, astelehenarekin, grabazio horiek proiektatuko dituzte udal-pilotalekuan.

Telebista-saioaren aurkezleek bideratuko dute ekitaldia: Zuhaitz Gurrutxagak eta Mikel Pagadik, eta Sebastian Lizaso bertsolariak ere parte hartuko du.

Proiekzioa 18:30ean izango da eta, bertaratzeko, gonbita beharko da. Gonbitak dagoeneko banatuta dauzkate.