Edadetuentzako kirol zirkuitu berri bat instalatu du Udalak autopistaren ondoan

Maiatzaren hasieran Ibai Ondoko parkeko edadetuentzako kirol zirkuitua berritu zuen Udalak.

Ibai Ondoko zirkuitua berritzeaz gain, Estropalari kalearen bukaeran, autopistaren ondoan, beste berri bat instalatu du orain. Bigarren zirkuituak ere zortzi aparatu ditu, Ibai Ondokoak bezala.

Horrez gain, Ibai Ondoko zirkuituan aprobetxatzeko moduan zeuden lau aparatuak Muntoko pasealekuko skate parkean instalatuko dira. Edadetuek, beraz, hiru gune izango dituzte aurrerantzean herrian, ariketak egiteko.

kirolzirkuitua18

Arkitekto teknikoa denboraldi batez kontratatzeko deialdiaren merezimenduen balorazioa argitaratu du Udalak

Arkitekto teknikoa denboraldi batez kontratatzeko deialdia egin zuen Udalak eta, horren barruan, aurkeztutako izangaien merezimenduen balorazioa argitaratu du orain:

Merezimenduen balorazioa (PDF)

Kirol kantxa berria jarri du Udalak Anibarko Portuan

Anibarko Portuan saski baloi kantxa zegoen lehen eta toki berean multikiroleko kantxa bat instalatu du orain Udalak.

Instalazioa bukatuta dago dagoeneko eta falta den bakarra lurreko marrak pintatzea da.
Kantxa berriak aukera emango die bizilagunei bai saskibaloian, bai eskubaloian eta bai futbolean aritzeko.

Kantxa egokitzeko lanak 17.900 euroko kostua izan du eta Manufacturas deportivas enpresak egin du.

Itxaspeko bidea eta beste mendiko bide batzuk garbitzen ari da Udala

Udalak uda aurretik egiten dituen lanen artean mendiko bideak garbitzen ditu eta horretan ari da egun hauetan Txukun enpresaren bidez.

Argazkian ikusten den bezala, Itxaspekoa da garbituko diren bideetako bat. Horrez gain, oinezkoentzako hainbat bide ere garbituko ditu, mendiko ibilbideak gustuko dituztenek eroso erabili ahal izan ditzaten. Aste honen bukaerarako amaituko dira lanak.

Autoentzako eta oinezkoentzako mendi bide horiek udan erabiltzen dira gehien, eta horregatik egiten du Udalak lan hau urtero garai honetan.

Kultur etxea pintatuko du Udalak

Orioko kultur etxea pintatzeko lanak hasi ditu Udalak gaur bertan. Fatxada pintatzeaz gain, zurezko begiratokiak konpondu eta zigilatuko dituzte, urik ez sartzeko.

Lanak Pinturas Bravo SL enpresa oriotarrak egingo ditu eta 24.000 euroko kostua izango dute. Lau bat aste iraungo dute lanek.

Ekainaren 11 izango da azken eguna, udal kanpineko zuzendari lanpostua eta turismo, merkataritza eta ostalaritza departamenturako teknikari lanpostua betetzeko deialdietan izena emateko

Udalak bi lanpostu betetzeko deialdiak egin ditu maiatzean: 

Bi deialdien oinarriak webgunean daude, jendeak ikusteko, eta gaurko egunez argitaratu dira Estatuko Boletin Ofizialean. Izena emateko epea, beraz, gaur ireki da eta 2018ko ekainaren 11n bukatuko da (egun hori barne).

Deialdi horietakoren batean izena eman nahi duenak udal bulegoetara jo behar du, oinarrietan zehazten diren agiriak aurkezteko.

Bulego-orduak astelehenetik ostiralera dira, 08:30etik 14:30era.

Eskola-umeen literatur lehiaketaren sariak banatu ziren ostiral arratsaldean

Joan den ostiralean, maiatzak 11, eskola-umeen literatur lehiaketaren sariak banatu ziren udaletxean, udalbatzarraren aretoan.

Ekitaldia 19:00etan hasi zen eta Orioko alkateak eta euskara-teknikariak bideratu zuten.

Karkara aldizkariak egindakoa da goiko argazkia.

Haur eta gaztetxo sarituek liburu bana jaso zuten opari, oroitagiri batekin. Horrez gain, lehiaketan saritutako lan guztiak biltzen dituen liburuaren ale bat ere jaso zuten.

Ekitaldi jendetsua izan zen, urtero bezala, eta ikasleek guraso, lagun eta etxekoen txalo artean jaso zituzten beren sariak.

Liburua eskura dago kultur etxean eta udaletxean

Aurtengo lan sarituen liburua kultur etxean eta udaletxean eskura daiteke, doan. 100 orrialdetik gora duen liburu bat da eta, guztira, Orioko haurrek egindako 64 lan biltzen ditu: olerkiak, ipuinak eta marrazkiak. Liburuaren hitzaurrea Mikel Iruretagoienak idatzi du.

Liburua deskarga daiteke, baita ere, PDF formatuan, honako estekan:

Literatur lehiaketa 2018 (PDF)

Sarituen zerrenda

Honako hauek dira aurtengo literatur lehiaketan saria jaso duten haur eta gaztetxoak:

LH3
Martin Fernandez (Lagunak olerkia)
Xuban Ostolaza (Familia olerkia)
Julen Altuna (Egiptoko mundua ipuina)
Oier Iruretagoiena (Joxemari arrantzalea eta izurdea ipuina)
Mariana Arellano (marrazkia)
Nagore Faro (marrazkia)
Lazaro Roig (marrazkia)
Alba Rueda (marrazkia)

LH4
Mikel Orzaiz (Nire lagun maitea olerkia)
Nahia Uranga (Urtaroak olerkia)
Maddi Andres (Espirituen kondaira ipuina)
Marina Gaztañazpi (Gazteluko maitagarria ipuina)
Asier Basurko (marrazkia)
Daniela Bernedo (marrazkia)
Enara Iglesias (marrazkia)
Daniela Recio (marrazkia)

LH5
Ane Alberdi (Zergatik? olerkia)
Amaiur Sukia (Matxinsaltoa festarik festa olerkia)
Julen Saez (Mikel eta altxor ezkutua ipuina)
Amaiur Sukia (Zeruko itsasoa ipuina)
Laia Bergara (marrazkia)
Alex Carrera (marrazkia)
Brittney Coon (marrazkia)
Arhane Uranga (marrazkia)

LH6
Jokin Iruretagoiena (Munduko herriak olerkia)
Malen Lertxundi (Nire anaia txikia olerkia)
Itxaso Ayerbe (Hiru desioak ipuina)
Kattalin Zinkunegi (Abentura mendian ipuina)
Ane Amas (marrazkia)
Saioa Basurko (azaleko marrazkia)
Nora Bravo (marrazkia)
Iraia Fervenza (marrazkia)
Jokin Iruretagoiena (marrazkia)

DBH1
Ines Duran (Nire ametsa olerkia)
Enaitz Oliden (Pilota olerkia)
Oier Amilibia (Paititi: inken sekretua ipuina)
Aitzol Carrera (Desioen putzua ipuina)
Irene Alberdi (marrazkia)
Einer Aranguren (marrazkia)
Markel Otaegi (marrazkia)
Irati Uranga (marrazkia)

DBH2
Nora Bereziartua (Maitasun katea olerkia)
Nahia Stafa (Formaz aldatu olerkia)
Unai Sarasua (Tasmaniako deabrua ipuina)
Maxe Zinkunegi (Lurraren amaiera ipuina)
Josune Freire (marrazkia)
Naia Orzaiz (marrazkia)
Candy Ostolaza (marrazkia)
Franshesca Paez (marrazkia)

DBH3
Olatz Aizpurua (Kopa olerkia)
Sara Mujika (Kaixo, maitea olerkia)
Malen Albeniz (Egun grisa ipuina)
Miren Genova (Bidaia ipuina)
Malen Albeniz (marrazkia)
Alaine Garro (marrazkia)
Larraitz Lopetegi (marrazkia)
Maitane Zinkunegi (marrazkia)

DBH4
Nahia Altuna (Gure bizitzaren bidea olerkia)
Alba Moreno (Zelako maltzurra maitasuna! olerkia)
Elene Ostolaza (Maiene ipuina)
Irati Vivas (Zoriak erabakiko du ipuina)
Rosa Atorrasagasti (marrazkia)

Ostegunean LGBTIQ-fobiaren kontrako eguna ekarriko dute gogora Udalak eta bi ikastetxeek

Maiatzaren 17a izaten da LGBTIQ-fobiaren kontrako nazioarteko eguna eta, hori dela-eta, gaia lantzen aritu dira azken egun hauetan herriko bi ikastetxeetan.

Eskualdean egun hori gogora ekartzeko ekimena Urola Kostako Berritzeguneak proposatu eta koordinatu du, aldiro biltzen den Hezkidetza Foroaren bidez. Foro horretan parte hartzen dute eskualdeko ikastetxeek eta udalek.

Ostadarraren bandera udaletxean

Orioko Udalak ostadarraren bandera jarriko du udaletxeko balkoian, eta beste horrenbeste egingo dute Zaragueta eskolan eta Herri Ikastolan. NAIZENA NAIZELA ONARTUA leloa darama banderak. Horrez gain, gaiari buruz hitz egingo dute bi ikastetxeetan eta ahalegina egingo dute kontu hau etxeetara ere iritsi dadin. Agerraldiak ere egingo dituzte, kolektiboari babesa adierazteko.

Azken hamarkadatan aurrerapauso handia egin du gure gizarteak aniztasun afektibo-sexualari dagokionez; baina oraindik badago zertan aurreratu. Hezkuntza-sistemak eragile aktiboa izan behar du aldaketa horretan eta horregatik erabaki dute gaia lantzea, eskualdeko udalen laguntzarekin.

LGTBIQ (lesbiana, gay, transexual, bisexual, intersexual eta queer)

LGTBIQ mugimenduaren erreibindikazioei lotutako bi nazioarteko egun ospatzen dira gaur egun: maiatzaren 17a, LGTBIQ-fobiaren kontrako eguna, eta ekainaren 28a, LGTB Harrotasunaren Eguna. Hezkidetza Foroan erabaki zen bi egun horietako erreibindikazioak maiatzaren 17an lantzea, egun hori delako eskoletako egutegiaren barruan geratzen dena.

Ate irekiak Danbolin Musika Eskolan maiatzaren 18an

 

Datorren maiatzaren 18an, ostiralarekin, ateak irekiko ditu Orioko Danbolin Musika Eskolak barrutik ezagutu nahi dutenek aukera izan dezaten. Era berean, ikasketa planaren berri ere emango da eta matrikula egiteko informazioa eta zalantzak argituko dira.

 

Bi ordutegi izango dira bisitarako:

 

- 4 urtetik 6 urtera: 17:00etatik 18:00etara.

- 7 urtetik aurrera: 18:00etatik 19:00etara.

 

Musika eskolaren helbidea, iturbide 18 da.

 

Telefonoz ere egin daiteke kontsulta, zenbaki honetara deituta: 943 833 727.

 

Udal Elkarteak aukera emango die eskualdeko enpresei aniztasuna kudeatzeko planak egiteko

Parte hartzen duten enpresek aniztasuna nola kudeatzen duten neurtu eta, diagnostikoaren emaitzen arabera, aniztasuna kudeatzeko plan zehatzak garatzeko aukera izango dute, aholkulari aditu baten laguntzarekin.

Eskaera aurkezteko epea maiatzaren 15ean bukatuko da.

Aniztasunaren kudeaketa

Gaurko gizarteak gero eta aniztasuna handiagoa du, eta aniztasun hori da, gainera, gizartea garatzeko faktore erabakigarrienetako bat. Estatistika soziodemografikoek aniztasun hori erakusten eta nabarmentzen digute: emakumeen lan munduratzea, migranteen errealitatea, bizitzeko eta sentitzeko moduen ugaritasuna, bizitza esperantza luzatzea, ezgaitasunen bat duten pertsonen laneratzea…

Horren guztiaren ondorioz, gero eta ohikoagoa da enpresa edo organizazio batean askotariko bizimodu, joera eta ezaugarriak dituzten pertsona eta langileen arteko interakzioa.

Enpresak gizartean txertatuta daude eta, beraz, aniztasun eta ugaritasun horrek dakartzan aldeketen eraginpean daude. Aniztasun handiago hori bereziki enpresaren antolaketan antzematen da eta dagoeneko horren homogenoak ez diren eta ezberdinak diren pertsonez osatutako lantaldeak kudeatu beharra sortzen da. Aniztasuna nabarmen handitu denez, ezinbesteko bihurtu da enpresa eta organizazioentzat gaiari heldu eta beste era batera kudeatzeko premia. Aniztasuna kudeatzea gaur gaurkoz enpresa guztien zuzendaritzen eginkizunetako bat da, enpresaren tamaina edozein dela ere.

Aniztasuna egoki kudeatzeak ugaritasun hori hobeto baloratzea eta diskriminazioak eragindako kostuak murriztea dakar; baina, baita ere, sormena eta eraginkortasuna irabaztea, aniztasunak ikuspegi ugari dakartzalako, testuinguru kultural eta ekonomiko ezberdinak kontuan hartzea dakarrelako eta horrek merkatu globaletan negozio aukera berriak sor ditzakeelako. Aniztasunak, beraz, ateak zabaltzen dizkio enpresaren jardunari, baina giza baliabideak kudeatzeko hainbat galdera ere sortzen ditu, ohiko kudeaketa ereduek ez dutelako bere horretan balio.

Aniztasunaren kudeaketa Urola Kostako enpresetan

Hori guztia kontuan hartuta, Urola Kostako Udal Elkarteak "Aniztasunaren Kudeaketa Urola Kostan" egitasmoa jarri du abian. Egitasmoaren helburu nagusia da enpresetan aniztasunak eragin litzakeen aukerak ulertzea eta horren aurrean enpresak dituen erronkei nola aurre egin ikastea.

Horretarako, programan parte hartzen duten enpresekin bi lan hauek egingo ditugu:

  • Enpresetan aniztasunaren kudeaketa neurtzeko diagnostikoa.
  • Diagnostikoaren emaitzen arabera, aniztasuna kudeatzeko plan zehatza egingo dugu, enpresa bakoitzaren errealitatera egokituta, aholkulari aditu baten laguntzarekin.

Parte hartuko duten enpresei ziurtagiria emango zaie, hain zuzen ere, beren erakundeetan aniztasunaren kudeaketa egiaztatzen duen ziurtagiria.

Norentzat

Programa honetan Aia, Getaria, Orio, Zarautz eta Zumaiako enpresek har dezakete parte, jarduera eta tamaina edozein dela ere.

Informazioa eta izen-ematea

Aniztasunaren kudeaketaren programan parte hartzeko izena eman behar da, maiatzaren 15a baino lehen.

Argibideak jasotzeko edo izena emateko, jarri gurekin harremanetan:

  • Urola Kostako Udal Elkartea
  • Garapen Agentzia (Idoia Etxarri, Eli Uzkudun))
  • Tel. 943890808
  • Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

 

Bidasoko Itzuliaren 3. etapa Orion hasi eta bukatuko da ostiralean

Aurtengo Bidasoko Itzuliak 46. edizioa du eta datorren ostiralean, maiatzak 11, Orion hasi eta bukatuko da 3. etapa.

Goizeko 08:00etatik kirol proba amaitu arte Txanka-Hondartza bidea erabili beharko da Oriotik ateratzeko.

Etapa 14:30ean abiatuko da Herriko Plazatik eta Aritzaga kaletik aterako da N634 errepidera. 131 kilometro egin ostean, berriro Oriora itzuliko da 18:00ak aldera.

Etaparen helmuga Arrantzale kalean izango du. Ziklistak Txanka-Hondartza bidetik iritsiko dira autopista ondoko errotondara eta handik zuzenean joko dute helmugara.

Helmugaratzerakoan karrerako autoak Baxoalde-Palota-Balea kaleetatik desbideratuko dituzte antolatzaileek.

Aparkatzeko mugak

Orioko hainbat kaletan aparkatzeko debekua ezarriko da lasterketa dela-eta:

  • Arrantzale kalea, egun osoan.
  • Abeslari kalea, egun osoan.
  • Herriko Plaza, karrera irteterakoan.
  • Aritzaga, karrera irteterakoan.

Normalean kale horietan aparkatzen dutenek Mendibeltz zelaiaren ondoko aparkalekua edo autopista azpiko aparkalekuak erabili ahal izango dituzte.

Kirol proba ikustera hurbilduko diren guztiei eskatzen diegu zorrotz betetzea antolatzaileek emandako aginduak, dena ondo atera dadin eta arazorik ez izateko.

Edadetuentzako kirol zirkuitua berritu du Udalak eta berri bat instalatuko du laster

Ibai Ondoko parkeko edadetuentzako kirol zirkuitua zaharkituta zegoen eta Udalak berritu egin du egun hauetan. Bertan zeuden aparatu guztiak aldatu eta berriak jarri ditu. Lehen zazpi aparatu zeuden eta orain, berriz, zortzi instalatu ditu Udalak.

Beste kirol zirkuitu bat autopista ondoan

Ibai Ondoko zirkuitua berritzeaz gain, beste bat instalatuko du Udalak laster autopistaren inguruan, Estropalari kalearen bukaeran. Ibai Ondoko zirkuituan dauden aparatu berak izango dira han ere; zortzi, guztira. Zirkuitu berriaren zorua prestatzen ari dira dagoeneko eta bi aste barru-edo instalatuko dira aparatuak.

Horrez gain, Ibai Ondoko zirkuituan aprobetxatzeko moduan zeuden lau aparatu skate parkean instalatuko dira, Muntoko pasealekuan. Era horretara, edadetuek hiru gune izango dituzte herrian, ariketak egin ahal izateko.

Zirkuitu berriak instalatzen eta zaharrak egokitzen 11.700 euro gastatuko ditu Udalak.