Dikeko aldapa asfaltatuko du Udalak astelehenetik asteazkenera bitartean

Antxiola kalea asfaltatuko du Udalak maiatzaren 31tik ekainaren 2ra, astelehenetik asteazkenera.

Lanak astelehen goizean hasiko dira eta, eguraldiak laguntzen badu, asteazken arratsalderako bukatuko dira.

Ekainaren 1ean jarriko dira martxan TAO makinak, hondartza inguruan eta futbol-zelaiaren ondoko aparkalekuan

Herriko TAO makinak ekainaren 1etik irailaren 12ra arte egongo dira martxan (biak barne).

Ibilgailuan aurtengo eranskailua ez daukatenek tiketa hartu beharko dute hondartza inguruan eta futbol-zelaiaren ondoan aparkatzeko. Udalak, urtero bezala, etxera bidali die aparkatzeko eranskailua ibilgailuaren zerga dagoeneko ordainduta daukaten eta Udalarekin zorrik ez duten guztiei. Eranskailua duenak ez du tiketa atera beharrik izango.

Udalbatzarrak ohiko bilkura egingo du ostegunean, maiatzak 27

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

Estropalari kalea asfaltatuko du Udalak ostegun-ostiraletan

Estropalari kalea asfaltatuko du Udalak maiatzaren 27 eta 28an. Kale osoa asfaltatuko da: 18. zenbakidun portaletik 30.era arte, eta hortik hondartza-bideko bidegurutzera arte.

Lanak ostegun goizean hasiko dira eta, eguraldiak laguntzen badu, ostiral arratsalderako bukatuko dira.

Antonio Oliden «Konpaxa»ri buruzko liburua aurkeztu zuten ostiralean Arraunetxen

Joan den ostiralean, maiatzak 21, Antonio Oliden «Konpaxa» oriotarrari buruzko liburua aurkeztu zuten Arraunetxen Orioko alkateak, Arraun Elkarteko presidente Josu Esnaolak eta liburuaren egileek: Alvaro Bermejo idazleak eta Joseba Urretabizkaia argazkilariak. Antonio Olidenen etxekoek eta lagunek ere parte hartu zuten ekitaldian.

Liburuak «Antonio Oliden ‹Konpaxa›, arraunlari eta patroi» du izenburua. Antonio Olidenek 95 urte ditu eta Orioko arraunlari ezagunenetako bat da, izan duen kirol-ibilbide apartagatik. Alvaro Bermejo kazetari eta idazleak idatzi du liburuaren testua eta txuri-beltzezko argazki ederrak, berriz, Joseba Urretabizkaia argazkilari ezagunak egin ditu. Josebak editatu du liburua, Xibarit argitaletxeko «Jentilak» bildumaren barruan. Oso edizio zaindua da.

TicketBAI sistema euskaraz erabiltzeko deia egin diete Udalak eta UEMAk herriko denda, taberna eta negozioei

2022tik aurrera egoitza fiskala Euskadin duten negozio guztiek TicketBAI sistema erabili beharko dute, fakturak sortzeko eta datuak Ogasunarekin konpartitzeko. Hori dela eta, Orioko negozio guztiek ezarri beharko dute aplikazio informatiko bat, aukera emango diena fakturak eta tiketak sortzeko eta, aldi berean, horien datuak Gipuzkoako Foru Ogasunari bidaltzeko. Negozio guztiek egin beharko dute hori: tabernek, dendek, era guztietako zerbitzuak ematen dituztenek…

TicketBAI sistemak aukera ematen du euskararen normalizazioan aurrerapauso bat emateko, fakturak eta tiketak ere euskaraz sortuz; baina, jakina, horretarako, erabiltzen diren aplikazio informatikoak gai izan behar du euskaraz lan egiteko. Zoritxarrez, aplikazio horietako asko ez daude prestatuta euskaraz erabiltzeko eta, ondorioz, gaztelania hutsean sortzen dituzte fakturak edo tiketak.

Kultur aniztasunaren aldeko agiri bat adostu eta argitaratu du Udalak

Maiatzaren 21a «Elkarrizketa eta Garapenerako Kultur Aniztasunaren Munduko Eguna» izendatuta dago eta, horren harira, Orioko Udaleko Bizikidetza Batzordean agiri bat landu eta adostu dute, gaia herritarren artean zabaltzeko eta gogoeta sustatzeko. Udala osatzen duten alderdi guztiek egin dute bat agiriarekin.

Honela dio agiriak, hitzez hitz:

Eskola-umeen literatur lehiaketaren sariak banatu ditu Udalak

Larunbat goizean, maiatzak 15, aurtengo eskola-umeen literatur lehiaketaren sariak banatu dira Arraunetxen. Lehiaketaren 34. edizioa izan da aurtengoa.

Segurtasun-neurriak zaintzeko, bi txandatan egin da ekitaldia: 11:00etan LHko sariak banatu dira eta 12:00etan, berriz, DBH mailakoak.

Ekitaldia Orioko alkateak, Euskara batzordeko buruak, batzordekide batek eta euskara-teknikariak bideratu dute.

Iturbide, Antxiola eta Estropalari kaleak konponduko ditu Udalak datozen asteetan

Datozen asteetan, uda aurretik, Udalak Iturbide, Antxiola eta Estropalari kaleetako lurzorua konpontzeko eta asfaltatzeko lanak egingo ditu. Hori dela eta, kale horietan ibilgailuen pasaera itxiko da zenbait momentutan eta aparkatzeko aukera ere mugatu egingo da. Horrez gain, hondakin-guneak tokiz mugituko dira Antxiolan eta Iturbiden.

UdalHiztek proiektuaren emaitzak aurkeztu dituzte Elhuyarrek, Orioko Udalak eta Gipuzkoako Foru Aldundiak

Hizkuntza-teknologien bidez euskara udalen eguneroko funtzionamenduan sustatzea helburu duen UdalHiztek proiektuaren emaitzak aurkeztu dituzte Elhuyarrek, Orioko Udalak eta Gipuzkoako Foru Aldundiak, gaur, Orioko udaletxean egindako aurkezpenean.

Hizkuntza-teknologia berriak baliatu nahi ditu Orioko Udalak, euskara hutsez funtzionatu ahal izateko, itzulpen-lana makinari utzita, eta teknologia horiek probatu ditu UdalHiztek proiektu pilotuaren barruan. Udalak efikazian eta efizientzian aurreratzeko erabili nahi ditu hizkuntza-teknologiak eta, aldi berean, lanean darabilen hizkuntzaren kalitatea hobetu.

Aurkezpenean izan dira Jon Abril Olaetxea, Elhuyarreko koordinatzaile nagusia; Anuska Esnal Oliden, Orioko alkatea; eta Garbiñe Mendizabal Mendizabal, Gipuzkoako Foru Aldundiko Hizkuntza Berdintasuneko zuzendari nagusia. Haiekin batera izan dira proiektuaren arduradunak ere, Elhuyarreko Itziar Cortés Etxabe eta Juanjo Pérez Martínez de Lahidalga.

Aurten ezin izango da ospatu Balearen Eguneko festa handia

Bizi dugun pandemia-egoera dela eta, Udalak ezin izango du aurten ospatu Balearen Eguneko festa handia.

2001ean lehenbiziko aldiz egin zenetik, bost urtetik behin antolatu du Udalak Balearen Eguneko festa handia eta, beraz, aurten egitea tokatzen zen. Urte gutxitan, Orioko herriaren nortasunaren erakusgarri bihurtu da festa; baina Udalak, egoerak bultzatuta, aurten ez antolatzea erabaki du, pandemiak gisa horretako festa bat egitea erabat ezinezkoa bihurtzen duelako. Herritarren osasuna eta segurtasuna zaintzea da Udalaren lehentasuna eta, horiek ziurtatu behar ditu beste ezeren gainetik.

Eskola-umeen literatur lehiaketaren sariak banatuko dira larunbatean, segurtasun- eta osasun-arauak zainduta

Udalak urtero antolatzen du eskola-umeen literatur eta marrazki-lehiaketa. Iazkoa bertan behera geratu zen, pandemia-egoeragatik, baina aurten normaltasunez egin da.

Aurtengoa lehiaketaren 34. edizioa izan da.