Ate joka da Euskaraldiaren 2. edizioa; prest dago Urola Kosta

Lankidetzan egindako bidea «emankorra izan da oso»: ia 500 entitatek eman dute izena eskualdean eta, guztira, 1.210 arigune inguru sortu dira.

Badator Euskaraldia eta 2. edizioari ekiteko prest dago Urola Kosta eskualdea. Horrelaxe adierazi dute gaur bertan Udal Elkartearen egoitzan egindako eskualde mailako aurkezpen-agerraldian. Bertan izan dira 5 herrietako Euskaraldiko dinamizatzaileak, ekimenari atxiki zaizkion entitateetako hainbat ordezkari, eta Lourdes Salsamendi Urola Kostako Udal Elkarteko lehendakaria.

Azaroaren 20tik abenduaren 4ra egingo da 2. Euskaraldia. Helburu nagusia da herritarren hizkuntza-ohiturak aldatu eta euskararen erabilera handitzea. 2018an egindako lehen edizioan, Urola Kostako herrietan ia 9.000 lagunek hartu zuten parte.

Bentako bidea itxita izango da asteazkenean, bertako bizilagunentzat izan ezik

Udalak aginduta, bide ertzeko zuhaitzak mozten eta kimatzen ari da Txukun lorazaintza-enpresa, arriskuak saihesteko. Hori dela-eta pasaerarik ez da izango ibilgailuentzat, ez badira inguruko baserri eta etxeetako bizilagunenak. Bidea moztuta izango da egun osoan, 08:00etatik 19:00etara.

Astelehenean hasi zuten lana eta asteazkenean bukatuko dute, gauzak ondo bidean.

Barkatu eragozpenak.

Aurtengo dirulaguntzak osorik ordainduko ditu Udalak azkenean

Orioko Udalak, aurtengo apirilaren 30ean egindako ohiko bilkuran, ikusita Udalaren diru-sarreren aurreikuspena txarra zela COVID-19ak sortutako pandemia-egoeragatik, erabaki hau hartu zuen: aurrekontuko zenbait partida «izoztea», ekitaldi ekonomikoaren eboluzioa nolakoa den ikusi arte. Horren ondorioz, besteak beste, Udalak herriko elkarteei ematen dizkien dirulaguntzak %25 jaitsi ziren eta hala jakinarazi zitzaien elkarte guztiei.

Udako diru-sarrerak, ordea (kanpinekoak eta TAO makinenak, bereziki), hasieran uste zena uste baino hobeak izan dira eta, hori dela eta, joan den urriaren 29ko udalbatzarrean Udalak aho batez erabaki zuen aurrekontu-partiden «izozte» hori bertan behera uztea eta dirulaguntzak osorik ordaintzea.

KZgunea erabilgarri jarri du Udalak berriro, baina aldez aurretik hitzordua eskatuta

Azken hilabeteotan itxita egon ondoren, KZguneak berriro zabaldu ditu ateak; baina, oraingo honetan, erabiltzaileek hitzordua eskatu beharko dute aldez aurretik, erabili ahal izateko.

Guztira, lau ordenagailu egongo dira erabilgarri eta erabiltzaileek ordubete pasatu ahal izango dute gehienez horien aurrean.

KZgunea kultur etxean dago, bigarren solairuan, eta kultur etxearen ordutegiaren barruan erabili ahal izango da: 09:00etatik 13:00etara eta 16:00etatik 19:30era.

KZgunea erabiltzeko hitzordua eskatzeko, kultur etxeko telefonora deitu behar da: 943 134 409.

Azaroko kultur agenda argitaratu du Udalak

Udalak kaleratu berri du azaroko kultur jardueren agenda.

Hauek dira datorren hileko kultur ekitaldiak:

Miriam Mendoza ipuin-kontalaria izango da azaroaren 9an kultur etxean

Liburutegiak hilero antolatzen dituen ipuin-kontaketa saioetako bat izango da datorren astelehenean, azaroak 9, 18:00etan hasita.

Miriam Mendoza ipuin-kontalariak emango du saioa. Miriam ezaguna da Orioko haurrentzat, lehenago ere askotan etorri izan da-eta liburutegira.

Saioa kultur etxeko areto nagusian egingo da eta 3 eta 6 urte arteko haurrentzat eta gurasoentzat da.

Mikel Urdangarinen kantaldiaren ordutegia aurreratu behar izan du Udalak

Mikel Urdangarinen kantaldia azaroaren 14rako antolatuta dago eta 22:00etan hastekoa zen, Karela kiroldegian. Udalak, ordea, aurreratu egin du, eta 20:00etan hasiko da azkenean.

Pandemia-egoera dela-eta agintariek hartutako azken neurriak betetzeko egin behar izan du aldaketa Udalak.

Kantaldirako sarrerak aldez aurretik hartu behar dira, 10 euro ordainduta, eta oraindik salgai daude kultur etxean. Aforo-mugak direla-eta, 260 sarrera jarri dira salgai eta pertsona bakoitzak bi sarrera erosi ditzake, gehienez.

Informazio-saio bat antolatu du Udal Elkarteak, «45+ indartzen» programaren berri emateko

Laster ekingo dio Urola Kostako Udal Elkarteak «45+ Indartzen» ekimenaren 3. edizioari. Funtsean, 45 urtetik gorako herritarrak lan-munduan txertatzeko 40 orduko prestakuntza-programa da. Programan parte hartu nahi dutenek azaroaren 12ra arte daukate izena emateko epea.

Izena emateko orria eskura dago Udal Elkartearen egoitza elektronikoan. Edozein kasutan, tramitazioa elektronikoa egin ezin dutenek, egoitzan elektronikoan dokumentua deskargatu, bete eta Udal Elkarteko egoitzara eraman dezakete.

Astelehenetik aurrera jarriko dira salgai turismo-bulegoan merkataritza suspertzeko erosketa-bonuak

Orioko Udalak martxan jarri berri du merkataritza suspertzeko kanpainaren bigarren txanda, eta astelehenean hasiko dira erosketa-bonuak saltzen, turismo-bulegoan (Pilliku plazan, Goiko kalean).

Ekainean bezala, herritar bakoitzak erosketa-bonu bat erosi ahal izango du, 40 euroan eta, ondoren, 60 euroko gastua egin ahal izango du ekimen honetara atxikitutako herriko establezimenduetan (ikusi zerrenda behean). Ez dago zertan dena denda bakar batean gastatu behar: aukera dago 15 euroko lau erosketa egiteko, toki berean ala lau toki desberdinetan.

Gehienez ere 1.000 bonu salduko ditu Udalak.

EUSKARALDIA: online edo telefonoz izena emateko deia egin du Orioko lantaldeak

Azaroaren 20tik abenduaren 4ra egingo den aurtengo Euskaraldian belarriprest edo ahobizi gisa parte hartu nahi dutenek izena eman behar dute aldez aurretik.

Euskaraldiaren Orioko lantaldeak dei egin die herritarrei izena lehenbailehen emateko, azken orduko jende-pilaketarik izan ez dadin.

COVID-19aren pandemiak sortutako egoera dela eta, aurten ez da EUSKARALDIAn izena emateko mahairik jarriko. Izen-ematea online egitea hobetsi du Orioko Euskaraldiaren lantaldeak. Oso erraza da: eskaneatu telefonoarekin irudiko QR kodea edo sartu helbide honetan:

https://izenematea.euskaraldia.eus/

Udalbatzarrak ohiko bilkura egingo du ostegunean, urriak 29

COVID-19ak sortutako osasun-egoera dela eta, osteguneko bilkura telematikoa izango da: idazkaria eta alkatea udaletxeko udalbatzarraren aretoan izango dira eta gainerako zinegotziak, berriz, nor bere etxetik arituko dira. Bilkura 19:30ean hasiko da, eta gai hauek aztertuko dira:

Udalak zenbait arau ezarri ditu hilerrirako, Santu Guztien eguna dela eta

COVID-19ak sortutako pandemia-egoeraren aurrean, Udalak zenbait neurri hartu ditu, hilerrian aplikatzekoak.

Herritarren joan-etorriak kanposantura asko ugaritzen dira Santu Guztien egunaren inguruan, eta horregatik hartu ditu Udalak neurriak.

Neurri hauek nahitaez bete beharrekoak dira: