Hondatutako bizikletak bide publikotik erretiratzen hasiko da Udala

Kalean abandonatuta dauden jabe jakinik gabeko bizikletak erretiratuko ditu Udalak aste honetatik aurrera. Hasiera batean, oso hondatuta eta egoera kaskarrean dauden bizikletak erretiratuko ditu. Udaltzaingoak zigilu bat jarriko die aurrena bizikletei eta, inork ez baditu erreklamatzen, handik zazpi egunetara hondakin gisa tratatuko ditu.

Kaleak txukuntzea eta bizikletalekuetan tokia libratzea da helburua. Bizikletaleku batzuk beteta izaten dira sarri eta, askotan, dagoeneko erabiltzen ez diren bizikleta hondatuak daude bertan amarratuta, tokia okupatzen. Bizikleta horiek zirkulaziotik kenduko ditu Udalak.

Ireki da epea familia ugarien hobariak eskatzeko

Orioko Udalak, urtero bezala, hobariak edo bonifikazioak onartu ditu familia ugarientzat, Ondasun Higiezinen Zergari dagozkionak.

Interesatuek otsailaren 26a arteko epea dute hobari horiek eskatzeko udal-bulegoetan.

Kiroldegiaren oharra, itxiera konpentsatzeko irizpideei buruz

Udalak Karela kiroldegia eta gainerako udal-ekipamenduak hamabost egunez ixtea erabaki zuen ostegunean, pandemiaren egoeragatik.

Kiroldegia kudeatzen duen BPXport enpresak ohar hau kaleratu du, itxiera konpentsatzeko Udalarekin adostu dituen neurriak azaltzeko:

Arropa biltzeko edukiontzi berriak jarriko ditu Udal Elkarteak eskualdean

Udal Elkarteak arropa erabilia biltzeko zerbitzua indartuko du, 35 edukiontzi berri jarrita. Orioko edukiontzi zaharrak asteburu honetan kenduko ditu Udal Elkarteak eta datorren astean jarriko dira berriak. Asteburu honetan, beraz, ez da arroparako edukiontzirik egongo erabilgarri.

Datorren astearte goizean Txanka-hondartzako bidea erabili beharko da herritik ateratzeko

Udalak ur-arketa bat konpondu behar du Xixario erretegiaren inguruan eta, beraz, inguru hori itxita geratuko da trafikorako otsailaren 2ko 07:30etik 14:00ak bitartean. Marea biziak direnean ura sartzen da arketan eta ondo zigilatu behar da. Konponketa egiteko, marea biziak diren tartea aprobetxatu behar da eta horregatik erabaki du Udaleko bulego teknikoak lanak egun eta ordu horretan egitea.

Lanak egiten diren bitartean, beraz, aldaketak izango dira ibilgailuen zirkulazioan eta, herritik ateratzeko, nahitaez, Txanka-hondartzako bidea erabili beharko da.

Udalak eta Arraun Elkarteak 2021erako hitzarmena sinatu dute

Orioko Udalak eta Orioko Arraunketa Elkarteak lankidetza-hitzarmena sinatu zuten atzo udaletxean. Udalaren izenean, Anuska Esnal alkateak sinatu zuen; eta Arraun Elkartearen izenean, berriz, Josu Esnaola presidenteak.

Udal-ekipamenduak hamabost egunez ixtea erabaki du Udalak pandemiaren egoeragatik

Pandemiaren egoerak okerrera egin du Orion azken egunotan eta, atzoko eta gaurko datuak kontuan hartuta, Udalak hainbat erabaki hartu ditu herritarren segurtasuna zaintzeko. Elkar zaintzeko garaia da eta Udalari arduraz eta zentzuz jokatzea dagokio, egoera kontrolatzeko eta lasaitasuna transmititzeko.

Neurri hauek hamabost egunez izango dira indarrean, bihartik hasita; eta, ondoren, Udalak baloratuko du nola jokatu, egoeraren eboluzioaren arabera.

Hauek dira Udalak hartu dituen neurriak:

Alkatearen oharra pandemiaren egoerari buruz

Anuska Esnal alkateak oharra kaleratu du, herritarrei ardura eta lasaitasuna eskatzeko. Honela dio oharrak:

Udalbatzarrak ohiko bilkura egingo du ostegunean, urtarrilak 28

Bilkura udalbatzarraren aretoan egingo da, udaletxean, distantzia- eta segurtasun-neurriak zainduta. 19:30ean hasiko da, eta gai hauek aztertuko dira:

Oraindik geratzen dira sarrerak Jon Gurrutxagaren eta Urbil Artolaren kontzerturako

Kultur etxean daude salgai Jon Gurrtxaga eta Urbil Artola musikariek ostiralean Arraunetxen emango duten kontzerturako sarrerak. 2 eurotan daude salgai. Ekitaldia 19:00etan izango da.

Gaztelupeko Hotsak diskoetxeak argitaratu duen «Kateak» diskoa aurkeztuko dute kontzertuan. Gospela, bluesa, folka eta pop-­rockaren eragina modu oso pertsonalean azaleratu du Gurrutxagak lan berrian eta, zuzeneko emanaldietan, Urbil Artolararekin batera ari da jotzen.

Udal Elkarteak dirulaguntzak emango dizkie eskualdeko enpresei, eskualdeko langabeak kontratatzeko

Dirulaguntzak eskatzeko azken eguna datorren ostirala izango da, urtarrilak 29.

Urola Kostako Udal Elkarteak 291.000,00 euro emango ditu dirulaguntzatan. Eskualdeko enpresei bideratutako dirulaguntza da, kontratazio gastuei aurre egiteko. Dirulaguntza-lerro honen helburua eskualdeko langabeen kontratazioa erraztea da.

Orioko Emakumeon* Ahalduntze Eskolak prentsaurrekoa eman du, urteko lehen jarduerak aurkezteko

Bertan izan dira Eider Goiburu eta Aizpea Esnaola, Ahalduntze Eskolakoak, eta Anuska Esnal alkatea eta Maite Ortiz gizarte-laguntzailea, Udalaren aldetik.

Aizpeak eta Eiderrek gogorarazi dutenez, 2019an sortu zen Ahalduntze Eskolaren proiektua: aurrena herriko emakumeen beharren diagnostikoa egin zuten eta, ondoren, Ahalduntze Eskola jarri zuten martxan, 2020an.

Hasieran proiektu txikia zen eta, batez ere, erreferentziazko toki bat sortu nahi zuten herriko emakumeentzat, eta prestakuntza-ikastaroak eta ekintzak antolatu. Ekimenak, ordea, arrakasta handia izan du eta, pixkanaka, aldatu ere egin da: herrian gertatzen diren indarkeria matxisten kasuak agertzeko toki bat bihurtu da hainbat herritarrentzat eta horiek bideratzeko laguntza eman dute Eiderrek eta Aizpeak. Ahalduntze Eskolak, beraz, beste dimentsio bat hartu du, hasieran aurreikusitakoa baino handiagoa.