Noticias

Oraindik ere bada ITSAS ZAPOREAK ekimeneko esperientzia gastronomikoez gozatzeko aukera

Zabalik dago datozen bi igandeetan antolatu diren 3 esperientzia gastronomikoetarako izen-ematea.

Esperientzia gastronomiko guztiak erdi-prezioan eskainiko dira; eta 12 urtez azpikoek doan izango dute bisitez gozatzeko aukera. Gehienez, 15 pertsonentzako lekua dago ekimen bakoitzeko eta aldez aurretik izena eman da eskualdeko turismo-bulegoetan. Aurten, gainera, ITSAS ZAPOREAK ekimenaren harira, esperientzia guztiak eskualdeko itsas ondarearen gaineko kontakizunekin aberastuko dira.

Hauek dira datozen bi asteburuetarako esperientzia gastronomikoak:

Webgunetik deskargatu daiteke Orioko Pobreziari buruzko azterlana

2018an, Orioko pobreziari buruzko azterketa egin zuen SIADECO Ikerketa Elkarteak, Udalaren enkarguz. Pobrezia, desberdintasunak eta gizarte-bazterketa aztertu zituzten Orion, inkesta bidez eta herriko informatzaile kualifikatuen iritzien bidez.

'Pobrezia, desberdintasuna eta gizarte-bazterketa Orion' du izena txostenak eta hemendik deskargatu dezakezue, PDF formatuan:

Pobrezia, desberdintasuna eta gizarte-bazterketa Orion. TXOSTEN OSOA

Pobrezia, desberdintasuna eta gizarte-bazterketa Orion. LABURPENA

Pobreza, desigualdad y exclusión social en Orio. LABURPENA GAZTELANIAZ

Ines Bengoa ipuin-kontalaria izango da asteartean kultur etxean

Liburutegiak aldian behin antolatzen dituen ipuin-kontaketa saioetako bat izango da datorren asteartean, azaroak 19, 18:00etan hasita.

Ipuinak kontatzen Ines Bengoa kontalaria arituko da. Orioko haurrek ezagutzen dute Ines, lehenago ere etorri izan delako kultur etxera.

Saioa kultur etxeko areto nagusian egingo da eta 5 eta 8 urte arteko haurrentzat (gurasorik gabe).

Atzeratu egin da Benito Lertxundiren larunbateko kantaldia

Datorren larunbatean, azaroak 16, Benito Lertxundik Orion eman behar zuen kantaldia atzeratu egin behar izan dute antolatzaileek, kantariaren osasun-arazoengatik.

Kantaldia abenduaren 28an egingo da, larunbatarekin, toki eta ordu berean: Karela kiroldegian, 22:00etan.

«Benito Lertxundi naiz» liburua aurkeztu dute gaur Orioko Udalak eta Denonartean argitaletxeak

Udalbatzarraren aretoan egin dute aurkezpena, 12:00etan, eta bertan izan dira egilea, argitaletxearen ordezkaria eta Udalaren ordezkariak: alkatea eta kultur zinegotzia. Benito Lertxundi ere etortzekoa zen, baina ezin izan du.

Udalaren izenean, Xabier Ibarguren kultur zinegotziak hartu du hitza eta, besteak beste, hau adierazi du: «Oriok Euskal Herriari eman dion kultur ondare aktibo garrantzitsuena da Benito Lertxundi eta ez du aurkezpenik behar Euskal Herrian. Herriko belaunaldi askorengan modu askotara eragin du eta, horrez gain, Orioko herriaren izena lau haizetara zabaldu duen kultur eragilea da. Hori dela eta, Udalean argi ikusi dugu biografia honek Orioko haur eta gazteen eskuetara iritsi behar zuela, herriko kulturgintzaren transmisioan eragin nahi badugu behintzat».

Orioko emakumeen beharren diagnosia ostegunean aurkeztuko da Salatxo aretoan

Ahalduntze Eskolako Eider Goiburu eta Aizpea Esnaola teknikariek landu dute Orioko emakumeen beharren diagnosia eta horren jendaurreko aurkezpena egingo dute ostegun honetan, azaroak 14, 18:30ean. Ekitaldia Salatxo aretoan izango da eta Udalak gaiarekin interesa duten guztiak gonbidatzen ditu bertaratzera.