Baranda jarri du Udalak Ortzaika auzotik errio ondora jaisteko eskaileretan

Ortzaika auzotik errio ondoko pasealekura jaisteko eskaileretan baranda jarri du Udalak, erabiltzaileen segurtasuna hobetzeko.

Eskaileren luzera osoan jarri du baranda Udalak, argazkian ikusten den bezala; guztira, 35 metroko baranda instalatu du.

Baranda jartzeko lanak Muguruza errementariak egin ditu eta, guztira, 6.994 euroko kostua izan du (BEZarekin).

Kanpineko ura berotzeko sistema aldatu du Udalak, efizienteago izan dadin

Aurrerantzean, eguzki-energiaren bidez berotuko da kanpinak erabiltzen duen ur beroaren %30.

Sistema berria instalatu aurretik gasolio bidezko galdara bat zegoen ur beroa sortzeko eta 5.000 litroko biltegi bat zeukan eraikinak. Galdara hura zaharkituta zegoen, ordea, eta, aldatu behar zela aprobetxatuta, Udalak sistema osoa berritu eta gas natural bidezko galdara bat eta eguzki-plakak instalatu ditu.

10 eguzki-plaka instalatu ditu Udalak kanpineko eraikinaren sabaian; guztira, 24,9 m2-ko azalera dute plakek. Plakak horizontalean muntatzeko diseinatuta daudenez, binakako 5 ilaratan instalatu dira, hegoaldera begira, argazkian ikusten den bezala.

«ANIZTASUNAREN KUDEAKETA UROLA KOSTAN» ekimenak segida izango du 2020an

Azken urteotan testuinguru ekonomiko eta sozialean izan diren aldaketen eraginez, inoiz baino aniztasun handiagoa dago enpresetan: jatorri, ezagutza eta motibazio desberdinetako pertsonak biltzen dira bertan gaur egun. Aniztasun horrek aukera berriak sortzen dizkie erakundeei, eraginkorrago eta berritzaileago izateko.

Urola Kostako Udal Elkarteak uste du aniztasunaren kudeaketa eraginkorra faktore erabakigarria dela eskualdea garatzeko, ea horregatik abiatu zuen 2018an «Aniztasunaren Kudeaketa Urola Kostan» ekimena, eskualdeko enpresa eta erakundeei bideratuta.

Zabalik dago epea familia ugarien hobariak eskatzeko

Orioko Udalak, urtero bezala, hobariak edo bonifikazioak onartu ditu familia ugarientzat, Ondasun Higiezinen Zergari dagozkionak.

Interesatuek otsailaren 28a arteko epea dute hobari horiek eskatzeko udal-bulegoetan.

Autobusaren Zarautz alderako geltokia tokiz aldatuko du Udalak, aldi baterako

Datorren astelehenetik aurrera eta hiru bat astez, Udalak tokiz mugituko du autobus-geltokia, Zarauzko noranzkoan dagoena. Aldaketa Aita Lertxundi kaleko obrengatik egingo da. Behin-behineko geltokia Aritzaga eta Aita lertxundi kaleen arteko mugan jarriko da.

Behin obrak bukatutakoan, lehengo tokian jarriko da ostera autobus-geltokia.

Barkatu eragozpenak

Urtarrilaren 30eko greba orokorra babesten duen ebazpena onartu du udalbatzarrak

2019ko abenduaren 26ko udalbatzarrak EH Bilduk aurkeztutako ebazpen-proposamena onartu zuen (ikusi udalbatzarraren akta). Ebazpen horren bidez, udalbatzarrak atxikimendua adierazi zion ostegun honetarako deitutako lan, pentsio eta bizitza duinaren aldeko grebari.

Hau da udalbatzarrak onartutako ebazpenaren testua:

Turismo alorreko ekimen berritzailea egingo da Urola Kosta eskualdean: 'Ongi etorri euskararen herrira!'

Eskualdeko 5 udalerrietako turismo- eta euskara-zerbitzuek sustatuta, Urola Kostako Udal Elkarteak eta Gipuzkoako Foru Aldundiak sortu dute ekimena elkarlanean. UEMArekin lankidetzan garatuko da.

'Ongi etorri euskararen herrira!' ekimena Fitur turismo-azokan aurkeztu zen urtarrilaren 24an eta bertan izan ziren Urola Kostako Udal Elkarteko presidente Lourdes Salsamendi eta Gipuzkoako Foru Aldundiko  ordezkariak, eskualdeko turismo-teknikarien ordezkariekin batera. Argazkia aurkezpen horretan ateratakoa da.

Udalbatzarrak ohiko bilkura egingo du asteazkenean, urtarrilak 29

Bilkura udalbatzarraren aretoan izango da, udaletxean, eta 19:30ean hasiko da. Gai hauek aztertuko dira:

Lanbideren dirulaguntza eskatzeko epea ireki da, enpresa-ideiak aztertzeko eta enpresa berriak garatzeko

Lanbide Euskal Enplegu Zerbitzuak programa bat jarri du martxan, Urola Kostako Udal Elkartearen laguntzarekin, bere enpresa-ideia landu edo enpresa bat sortu nahi duten ekintzaileentzat.

3 hilabeteko iraupena duen programa honen bitartez, ekintzaileak aukera izango du taldeko saio eta bakarkako tutoretzen bitartez bere enpresa-ideia lantzeko eta enpresa sortzeko. Era berean, dirulaguntza jaso ahal izango du prozesuan parte hartzeagatik.

Herriko sartu-irteerak Txanka-Hondartzako bidetik egin beharko dira datorren astelehenetik asteazkenera, lanorduetan

Herriko Plazako obrak direla-eta, Moilako bidea itxita izango da autoen zirkulaziorako egun eta ordu hauetan:

  • Urtarrilaren 27, 28 eta 29an
  • 09:00 - 17:00

Beraz, egun eta ordu horietan, Txanka-Hondartzako bidea erabili beharko da herritik autoz ateratzeko eta herrira sartzeko.

Barkatu eragozpenak

 

Ahitu egin dira sarrerak ARTANTXURIKETAN ikuskizunerako

Orioko Udalak antolatutako ARTANTXURIKETAN ikuskizunerako txartelak ahitu egin dira dagoeneko eta, beraz, areto betean egingo da bihar emanaldia.

Udalak 100 sarrera jarri zituen salgai, 2 eurotan.

Salgai daude dagoeneko Inauteriko bazkarirako txartelak

Inauterietako larunbatean, otsailaren 22an, herri-bazkaria antolatu du Udalak udal-pilotalekuan, azken urteotan bezala. Bazkaritarako txartelak kultur etxean erosi daitezke dagoeneko.

Bi menu dauden aukeran: bat helduentzat eta bestea haurrentzat:

  • Helduen menua: Entsalada, iberikoak, Lumagorri oilaskoa, txerri-saiheskia, Ezeiza pastel-surtidoa, edaria eta kafea 18€
  • Umeen menua: kroketak, iberikoak, Lumagorri oilaskoa, izozkia eta edariak 12€