Datorren asteazkenean, martxoak 11, bukatuko da epea kultura eta gazteria alorreko dirulaguntzak eskatzeko

Kultura eta gazteria alorreko eskariak martxoaren 11rako aurkeztu behar dituzte herriko elkarteek.

Eskariak udaletxeko erregistroan aurkeztu behar dira.

«Evaren alabak» antzerki-emanaldia izango da Orion martxoaren 13an

Martxoaren 13an, ostiralarekin, «Evaren alabak» kale-ikuskizuna izango da Orion.

Antzerkiaren bi saio izango dira, elkarren segidan: lehenbizikoa 21:00etan hasita, eta bigarrena, berriz, 21:45ean. Saio bakoitzerako 30 bat sarrera salduko dira. Bi saioak toki beretik abiatuko dira: Zakilaneko aldapatik, Pietatearen azpitik; handik zimitorio zaharrera joango dira aktoreak eta ikusleak eta, bukatzeko, Salatxo aretora joko dute.

Euskalmetek alerta laranja aktibatu du 12:00etatik 18:00etara, itsaso zakarragatik

Egun hauetan euskal kostaldea jotzen ari ekaitza dela-eta, Euskalmetek igo egin du alerta-maila, horian zegoena, eta alerta laranja aktibatuko du gaur, martxoak 3, 12:00etatik 18:00etara.

Udaltzaingoak debekatu egin du hondartza aldeko arrisku-guneetan ibiltzea alerta aktibatuta dagoen bitartean eta zuhurtzia eskatu die herritarrei, egoera arriskutsuak saihesteko.

Goizez ere irekita izango da udal-liburutegia aurrerantzean

Martxoaren 2tik aurrera udal-liburutegiak ordutegi zabalagoa izango du eta goizez ere irekita izango da. Hala erabaki du Udalak eta, horretarako, udal-liburutegiaren arduradunaren lansaioa handitu du: lehen egun erdiz egiten zuen lan eta, hemendik aurrera, egun osoz arituko da. Otsailaren 27ko udalbatzarrean erabaki zuen Udalak aldaketa hori, aho batez.

Udal-liburutegiaren ordutegia, hortaz, hau izango da aurrerantzean: 10:00etatik 13:00etara eta 16:00-19:30era.

San Pedro jaietako proposamenak bidaltzeko deia egin du Kultura Sailak

Orioko Udaleko Kultura Sailak, aurtengo San Pedro jaietako festa-batzordea antolatzen hasi aurretik, herritarrei, herriko elkarteei eta eragileei beren proposamenak aurrez bidaltzeko deialdia egiten die.

Proposamen denak, mesedez, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera igortzea eskatzen du Udalak.

Festa-batzordearen lehenengo bilera martxoaren 10ean izango da, arratsaldeko 19:00etan Kultur Etxean

 

 

Martxoaren 8a dela eta, balkoian jartzeko banderolak eskuratu daitezke Ahalduntze Eskolan

Martxoaren 8a hurreratzen ari dela eta, Udalak 150 banderola erosi ditu, 'Gu ere martxoak 8' leloarekin, herritarren artean banatzeko.

Eskualdeko udalek eta ikastetxeek osatzen duten Hezkidetza Foroaren proposamenez banatuko dira banderolak, aurten lehenbiziko aldiz, eta Ahalduntze Eskolaren  laguntza izango du Udalak banaketa egiteko.

Udal-garajeak erosteko edo errentan hartzeko aukera dute herritarrek futbol-zelaiaren azpian

Udalak hainbat garaje ditu Mendibeltz futbol- eta softbol-zelaiaren azpian, eta herritarrei gogorarazi nahi die aukera daukatela garaje horiek erosteko, edo errentan hartzeko.

Udalak Mendibeltz futbol- eta softbol-zelaiaren azpian dauzkan garajeak bi eratara eskura daitezke: salmentan eta errentan.

Udalbatzarrak ohiko bilkura egingo du ostegunean, otsailak 27

Bilkura udalbatzarraren aretoan izango da, udaletxean, eta 19:30ean hasiko da. Gai hauek aztertuko dira:

1.- Irakurri eta onartzea, egoki bada, udalbatzarraren 2020ko urtarrilaren 29ko ohiko bilkurako aktaren zirriborroa.

2.- Otsailaren 17ko 64/2020 alkate-dekretuaren berri ematea. Dekretuak 2/20 zenbakidun kreditu-aldaketa onartzen du, kreditua txertatzeko modalitatean.

Martxoko eta apirileko jardueren programa argitaratu du Udalak

Udalak kaleratu berri du martxoko eta apirileko kultur jardueren programazioa. Ekitaldi hauek osatzen dute programa:

Larunbateko festak eragina izango du ibilgailuen zirkulazioan

Inauteriko eta Arraun Eguneko ospakizunak direla eta, aldaketa batzuk izango dira larunbatean ibilgailuen zirkulazioan:

  • 11:30etik aurrera, herritik irteteko, Txanka-Hondartzako bidea erabili beharko da, ohiko bidea itxi egingo da eta. Bidea itxita izango da igande goizeko 07:30ak arte.
  • Herrira sartzeko, ez da aldaketarik izango eta, beraz, ohiko bidetik sartu ahal izango dira ibilgailuak.
  • 12:30etik 18:00etara, gutxi gorabehera, ezin izango da Ibai Ondora ibilgailuz sartu eta, beraz, bertakoek Diketik barrena ibili beharko dute.
  • Bai goizean eta bai arratsaldean Inauteriko desfileak izango dira eta, beraz, zenbait momentutan, etenak eta aldaketak izango dira zirkulazioan. Udaltzainak ibiliko dira trafikoa erregulatzen, desfileek ahalik eta eragozpen txikiena sortzeko.

Ostiralean ere, desfileak

Ostiral goizean ikastetxeetako haurren Inauteriko desfileak izango dira herrian barrena eta, beraz, ibilgailuen zirkulazioa oztopatuko dute zenbait momentutan.

Pazientziarekin hartu.

Dagoeneko irekita dago epea, eskola-umeen aurtengo literatur lehiaketan lanak aurkezteko

Aurtengoa lehiaketaren 33. edizioa izango da. Lanak aurkezteko epea martxoaren 27an bukatuko da eta interesatuek herriko bi ikastetxeetako zuzendaritzetan edo Udaleko Euskara Zerbitzuan aurkeztu ditzakete beren lanak.

LH 3tik hasi eta DBH4 bitarteko haur eta gaztetxoek har dezakete parte.

Lehiaketaren oinarriak hauek dira:

Itxaspeko bidea itxita izango da datorren astelehenetik aurrera

Datozen asteetan obrak egin behar dira Itxaspeko bidean, ezpondak egonkortu eta segurtasuna bermatzeko. Hori dela eta, bidea itxita egongo da autoentzat eta oinezkoentzat otsailaren 24tik aurrera.

Itxaspeko goiko bidean egingo dira lanak, asfaltozkoan: bidearen segurtasuna bermatzeko, mikropiloteak ezarriko dira lau tokitan. Bidea oso estua denez, ezinezkoa da txandakako pasaerarik edo bestelako alternatibarik planteatzea eta derrigorrezkoa da ixtea zirkulaziorako.