Euskara, kultura eta festak

Euskararen alorreko ERRONKA ESTRATEGIKOAK eta helburuak:

• Euskararen erabilera normalizatzea, bai Udalaren barruan eta bai herrian (ekimenak planifikatu, martxan jarri, bideratu, koordinatu…), arloko beste eragileekin harremanetan: HPS, GFAko Euskara Departamentua, Urola Kostako Udal Elkartea, UEMA…
• Udalaren barruko dokumentazioa itzultzea euskaratik gaztelaniara eta alderantziz: aktak, txostenak, gutunak…
• Udalak sortutako testuen kalitatea zaintzea eta, oro har, Udalari aholkularitza linguistikoa eskaintzea.
• Herriko elkarteei eta merkataritza-establezimenduei itzulpen- eta aholkularitza-lanak eskaintzea.
• Hezkuntza alorrean Udalak bideratzen dituen kanpaina edo ekimenak sustatzea.

Kulturaren alorreko ERRONKA ESTRATEGIKOAK eta helburuak:

• Orioko herritarren garapen pertsonal eta kolektiboa sustatzeko kalitatezko kultur eskaintza zabal eta anitza osatzea berritasun, aniztasun, elkartasun, herritarren arteko bizikidetza eta emakume eta gizonezkoen berdintasun-printzipioak kontuan hartuz.
• Herriko kultur elkarte, talde eta eragileek sortutako kultur jarduerak sustatzea, babestea eta zabaltzea, beren arteko eta Udalaren arteko lankidetzarako eta koorinaziorako bideak sortuz, elkartegintza sustatzeko eta elkarteen garapenean laguntzeko.
• Herri-ondarea balioan jartzea, sustatzea eta zaintzea, horretarako programak sortuz.
• Jai eta festa parte-hartzaileak sustatzea eta antolatzea, jarduera berritzaileak bultzatuz, betiere herriari izaera ematen dioten tradizioak ahaztu gabe.