Astebete atzeratu dute Patxi Olideni hondartzan egingo dioten omenaldia

Ostegun honetan, ekainak 23, Patxi Oliden Danbolin zenari omenaldia egitekoak ziren hondartzan. Orioko Surf Taldeak eta Orioko Udalak elkarlanean antolatu dute ekitaldia, eta surf-taldeak hondartzan duen lokalaren kanpoaldean Danbolin-en omenezko bi mural jarriko dituzte.

Eguraldi kaskarra iragarrita dago, ordea, egun horretarako, eta ekitaldia uztailaren 1era atzeratzea erabaki dute antolatzaileek. 20:00etan izango da, surf-taldearen lokalaren kanpoaldean eta, ondoren, luncha emango zaie bertaratuei.

Orioko Surf Taldeak eta Udalak ekitaldira bertaratzeko gonbita egiten diete herritarrei, Patxi Oliden Danbolin omendu eta uda ospakizun-giroan hasteko.