Abenduaren 7an, larunbatarekin, egingo da San Nikolas festetako herri-bazkaria, Karela kiroldegian, eta bazkariko txartelak atzo jarri ziren salgai turismo-bulegoan. Bada, eguna bukatu aurretik ahitu ziren guztiak, 400 orotara.
Bazkaria 14:30ean izango da, baina izena eman duten taldeetako arduradunek 10:00etan kiroldegian egon beharko dute. Lehenik muntaketa lanak egingo dituzte (mahaiak, aulkiak, etab.), eta ondoren, ordu horretan azaltzen direnek, aukera izango dute haien taldeentzat lekua erreserbatzeko.
