Joan zen ostegunean egin zen Arrantza eta Gastronomia hitzaldi-zikloaren lehen saioa, eta ostegun honetan, irailak 18, egingo da bigarrena. Hitzaldi horien helburua da herriko itsas ondarean sakontzea, eta herritarrek arraina nola kontsumitu ikastea. Horregatik, aste honetako ikastaroak Nola erosi arraindegian? galdera izango du abiapuntu.
Carmen arraindegiko Olga Mujika izango da hizlaria, eta arraina erosterakoan kontuan izan beharreko alderdiak azalduko dizkie parte-hartzaileei: arraina zein egunetan erosi, zertan fijatu, nola eskatu etxean errazago prestatzeko…
Saioa doakoa izango da eta ez da aldez aurretik izena eman behar. 18:00etan hasiko da, Salatxo aretoan, eta adin guztietako herritarrei zuzenduta dago.
Azken hitzordua, Aldapa elkartean
Hirugarren eta azken saioa irailaren 25ean izango da, ostegunarekin, baita ere. Ekaitz Apraiz Kofradia Itsas-Etxea-ko kudeatzaileak gidatuko du saioa, eta Aldapa elkartean izango da, 18:00etan hasita.
Apraizek arraina prestatzeko teknika berritzaileak azalduko ditu, eta saioan parte hartzeko ezinbestekoa da aldez aurretik izena ematea, turismo-bulegoan.