Maiatzaren 18an, larunbatarekin, hainbat jarduera antolatuko dira herrian, nagusiki, kirolari lotutakoak. Goizean Zaragueta Herri Eskolaren Kros Txikia izango da Abaromendin, eta arratsaldean, Talai Mendi Trail mendi-lasterketa egingo da, arranplako plazoletatik abiatuta. Horrez gain, iluntzeko 19:00etan Intza eta Bele taldeen kontzertuak izango dira Herriko Plazan.
Goizeko kirol-probak ez du eraginik izango trafikoan, baina bizilagunen garajeetako sarrera-irteerak mugatuko ditu, 10:00etatik 12:30era. Abaromendi 1-24 atarien artean, gainera, aparkaleku publikoak libre utzi beharko dira, lasterketarako lekua egon dadin.
Talai Mendi Trail proba, aldiz, 17:00etan abiatuko da Ikastola pareko plazoletatik. Ondorioz, herriguneko trafikoa itxita egongo da, eta ibilgailuek Txanka-Hondartzatik irten beharko dute 17:00-19:30 artean. Barkatu eragozpenak.
