2022-2023 ikasturtean matrikulatzeko epea zabalduko du Danbolin Musika Eskolak datorren astelehenean, ekainak 20. Hiru epetan banatuko da izen-ematea.
- Ekainaren 20 eta 21ean: Gaur egungo ikasleek bakarrik eman dezakete izena; alegia, 2021-2022 ikasturtean Danbolin Musika Eskolan matrikulatuta egon direnek.
- Ekainaren 22tik uztailaren 1era: Gaur egungo ikasleek eta berriek eman dezakete izena.
- Irailaren 1etik 7ra: Gaur egungo ikasleek eta berriek eman dezakete izena.
Ikasketak
Ikasturtea irailaren 12an hasiko da, astelehenarekin, eta ikasketa hauek egin daitezke:
- 1. maila (4, 5 eta 6 urtekoak): Musika eta mugimendua.
2. eta 3. maila (7 urtetik aurrera):
- Musika mintzaira (2. maila).
- Instrumentuak: txistua, klarinetea, saxofoia, flauta, trikitixa, tronpeta, biolina, gitarra klasikoa, eskusoinua, pianoa, perkusioa, panderoa, biolontxeloa, kantua eta gitarra elektrikoa.
- Euskal dantza.
Instrumentu horiek ikasteko plaza libreak badaude.
Informazio gehiago
Musika eskolari buruzko informazioa (ordutegiak, prezioak, egutegia…) ikusteko aukera dago hemen: www.orio.eus/udala/udal-departamentuak/musika-eskola
Izen-ematea eta informazioa
Izena emateko edo informazio gehiago jasotzeko bideak:
• Danbolin Musika Eskola (Iturbide kalea, 18.)
• 943 833 727 telefonoa
