Egoera zaurgarrian dauden herritarrei neguari aurre egiten laguntzeko, Ireki Begik elkarteak neguko arropa eta materiala biltzeko deialdia egin du.
Nagusiki, gizonezkoentzako arropa eta oinetakoak jaso nahi dituzte, baita mantak, lo-zakuak eta material termikoa ere. Azaroaren 14an eta 15ean Herriko Plazan jarriko dute bilketa egiteko postua, ordutegi honetan: azaroaren 14an, ostiralarekin, 17:00-20:00 artean, eta azaroaren 15ean, larunbatarekin, 11:30-13:30 artean.
Egoera onean dagoen arropa eta materiala bakarrik jasoko dute, eta SOS Arrazakeria elkartera bideratuko dute, haien bidez banaketa egiteko.
Informazio gehiago behar izanez gero, hau da elkartearen posta elektronikoa: irekibegik@gmail.com.