Astean bitan bisita kulturalak antolatuko ditu Begi-Bistan enpresak, Orioko Udalarekin elkarlanean, uztailean, abuztuan eta irailean.
Bisitak astelehenetan eta ostiraletan izango dira, 12:00etan hasita Herriko Plazatik. Helburua da Orioko alde zaharra eta eraikin garrantzizkoenak erakustea bisitariei, herriaren historiari buruzko azalpenak ematearekin batera. Bisitariak Herriko Plazatik abiatuko dira alde zaharrera eta bertan Pilliku plaza, Kale Nagusia, Salatxo, Iturriaga jauregia eta eliza ingurua bisitatuko dituzte, besteak beste. Handik errio aldera jaitsiko dira berriz eta aukera izango dute Mutiozabal ontziolari buruz eta Arraunetxeari buruz informazioa jasotzeko, herriaren tradizio arrantzaleari buruzko kontuak ikasiz.
Bisita kulturalak ordu eta erdiko iraupena izango du.
Prezioa: 8 euro, helduek; 5 euro, haurrek.
Izen-ematea
Izena hiru tokitan eman daiteke: Arraunetxen, Turismo Bulegoan eta kanpinean, honako telefono edo posta elektronikoak erabiliz:
Arraunetxe. Begi-Bistan: info@begi-bistan.com 657 794 677
Turismo Bulegoa: orioturismo@gmail.com 943 835 565
Udal kanpina: kanpina@orio.eus 943 834 801
