Elizako organoa berritu dute aurten, eta dotore geratu da, Maialen Sarasuak ateratako argazkian ikus daitekeen bezala.
Organo berritua behar bezala inauguratzeko, kontzertu-sorta bat antolatu du parrokiak, Udalaren, Kutxaren eta elizbarrutiaren laguntzarekin. Lehenengo kontzertua azaroaren 15ean izango da, ostiralarekin, 20:00etan hasita.
Hauek dira antolatutako hiru kontzertuak:
Azaroak 15, ostirala, 20:00etan
Organoaren aurkezpena: Federico Acitores, organogilea
Inagurazio kontzertua: Esteban Landart, organojolea
Azaroak 29, ostirala, 20:00etan
Easo abesbatzaren kontzertua (Zuzendaria: Xalba Rallo)
Organo emanaldia: Oscar Candendo, organojolea
Abenduak 13, ostirala, 20:00etan
Organo kontzertua: Loreto Aramendi, organojolea
Gipuzkoan zehar antolatzen den organo-zikloaren barnean
Esteban Landart organojolea
Irunen jaioa da. Donostiako kontserbatorioan egin zituen piano ikasketak, eta Baionakoan, organokoak, bietan sari eta aipamen ugari jasota.
Xavier Darassek bultzatuta, 1991n Lyon (Frantzia) hirira joan zen, Jean Boyer famatuarekin organo ikasketa nagusiak egitera. Frantzian irakasle izateko titulazioa lortu zuen han. Artikulu eta ikerketa ugari argitaratua da, bereziki Euskal Herriko Cavaill
