Udalbatzarrak ohiko bilkura egingo du urtarrilaren 31n, arratsaldeko zazpietan hasita, udaletxeko batzar aretoan.
Udalbatzarrak aztertuko dituen gaiak hauek dira:
- Irakurtzea eta onartzea, egoki bada, 2005eko abenduaren 27ko ohiko bilkuraren aktaren zirriborroa.
- Onartzea, egoki bada, udal pertsonalaren nominetan % 3,7ko igoera aplikatzea, 2006ko urtarrilaren 1etik hasita.
- Onartzea, egoki bada, udaleko zenbait funtzionariori jardueraren plus igoera aplikatzea.
- Onartzea, egoki bada, udal bideen aire, lur eta lur-azpiaren aprobetxamendu berezia eta erabilera pribatua arautzen duen Ordenantza Fiskala.
- Onartzea, egoki bada, Orioko Toki-Alai, Zaldua-Ondozabal-Aramendi Poligonoaren U.A.U.2-an dauden eta udalaren jabegoko diren 14, 15, 16 eta 17 zenbakidun garajeen salmentaren jendaurreko enkantea arautuko duen Baldintza Ekonomiko-administratiboen Plegua, eta Alkatetza-Presidentetzari ahalmen zabala ematea salerosketaren eskritura publikoak sinatzeko, Orioko Udalaren izenean eta ordezkari gisa.
- Hartzea eta jasotzea, egoki bada, Orioko Hirigune Historikoa Eraberritzeko Plan Bereziari dagozkion Udalbatzarraren akordioak.
- Onartzea, egoki bada, hiri-bizitegi eremu finkatuetan lokalen erabilera etxebizitzara aldatzeko diren jardunak arautzen dituen Udal Ordenantzaren aldaketa.
- Eskariak eta galderak.
