Azken urteotan bezala, Euskararen Egunean banatuko dira Udalak urtero antolatzen duen «Euskaraz Gazte» literatur lehiaketaren sariak; aurten ostegunarekin tokatzen da abenduaren 3a.
Sariak banatzeko ekitaldia kultur etxean izango da, areto nagusian, 19:00etan hasita. Pandemia-egoeraren ondorioz, aforo mugatuarekin egingo da ekitaldia eta joan nahi dutenek aldez aurretik eman behar dute izena kultur etxera deituta (943 134 409).
Sari-banaketan Amaia Gutierrez biolin-irakasleak eta bere ikasle batzuk ere parte hartuko dute, ekitaldia musikaz laguntzeko.
