Asteburu honetan Andoaingo Piano Jaialdia izango da eta, urtero bezala, han izango dira Orioko piano-ikasleak. Jaialdiaren 15. edizioa da aurtengoa.
Piano-jaialdia otsailaren 7an hasiko da, ostiralarekin, Andoaingo Bastero Kulturgunean, 19:15ean. Francisco Escudero Kontserbatorio Profesionaleko orkestra sinfonikoak eta Ane Blázquezek Alec Rowley-ren “Miniature kontzertua piano eta orkestrarentzat” joko dute. Danbolin Musika Eskolako eta Donostiako Francisco Escudero Kontserbatorioko ikasle da Ane Blazquez.
Larunbateko eta igandeko saioetan, Danbolin Musika Eskolako piano-ikasleek parte hartuko dute eta konpositore hauen obrak joko dituzte: K. Costley, L. Streabborg, J. F. Burgmuller, B. Bartok, A. Unzu, A. Arensky, A. Collins, M. Tchaikovsky eta J. Brahms. Guztira, Danbolin Musika Eskolako 16 ikaslek parte hartuko dute jaialdian; gazteenak, 8 urtekoak, eta zaharrenak, berriz, 15ekoak. Bi modalitatetan parte hartuko dute: piano-bakarlaria eta pianoa lau eskutara.
Hauek dira Orioko ikasleek larunbatean eta igandean egingo dituzten saioak:
OTSAILAK 8, LARUNBATA
Pianoa lau eskutara, A mailan. 11:15etik 12:15era, auditorioan hiru bikotek parte hartuko dute:
- Nora Ruiz Areizaga eta Arrate Igartua Viso
- Irati Txintxurreta Goikoetxea eta Julen Lekuona Campos
- Paul Sarasua Ijurra eta Oier Iruretagoiena Iribar.
Piano bakarlaria, B mailan. 16:30etik 17:15era, auditorioan: Itxaso Ayerbe Cisneros eta Ane Blázquez Barrajón.
Piano-bakarlaria, B mailan. 17:30etik 18:15era, auditorioan: Uxue Etxeberria Erzilla.
OTSAILAK 9, IGANDEA
Pianoa lau eskutara, B mailan. 9:30etik 10:15era, auditorioan: Martin eta Iñaki Daly Brazo.
Pianoa lau eskutara, B mailan. 10:30etik 11:15era, auditorioan: Maddi Etxeberria Erzilla eta Uxue Aginalde De la Cruz.
Piano-bakarlaria, B mailan. 10:30etik 11:15era, ekitaldi aretoan: Sara Loidi Romero.
Pianoa lau eskutara, C mailan. 15:30etik 16:15era: Ane eta Maddi Orzaiz Vega.
Igande arratsaldean, jaialdiari amaiera emateko, sarien banaketa izango da eta, ondoren, kontzertua, 18:00etan hasita, eta bertan aipamen bereziak jaso dituzten ikasleek parte hartuko dute.
Danbolin Musika Eskolako ikasle guztiei eta Audra Almanaityte irakasleari zorte ona opa diegu.
Informazio gehiago: http://www.andoaingopianojaialdia.eus
