Maiatzaren 27tik 29ra egingo da aurten Orio Arraun Elkarteak Udalaren laguntzarekin antolatzen duen Garagardo Azoka. Aurtengoa azokaren 4. edizioa izango da.
Maiatzaren 18an aurkeztu zen aurtengo programa udaletxean Arraun Elkarteko presidente Ibon Huegunek eta Merkataritza batzordeko buru Elisabete Bellok.
Aurreko urteetan bezala, hiru eguneko azoka izango da, ostiralean hasi eta igandean bukatu.
Ostiraleko irekiera ekitaldian aurtengo Mirotza Sariak banatuko dituzte. Aurten Iñigo Martinez Realeko jokalariari eta Idoia Etxeberria harrijasotzaileari emango dizkiote sariak.
GARAGARDO AZOKAREN PROGRAMA
Maiatzak 27, ostirala
19:00 Irekiera ekitaldia eta Mirotza Sariak
19:15 Los Cañas talde oriotarraren kontzertua
22:00 Erromeria Bide Batez taldearekin
Maiatzak 28, larunbata
18:30 Erromeria Fan&Go taldearekin
20:45 Txapeldunen ligako finala pantaila handian
23:30 Erromeria Fan&Go taldearekin
Maiatzak 29, igandea
11:00 Beteranoen traineru estropada
13:00 Falcons de Vilafranca, Kataluniako giza dorreak
18:00 Buruz Buruko txapelketaren finala pantaila handian
19:00 Umore saioa Angel Alkainekin
