AZTERTU Programaren barruan AZTERKOSTA lehiaketa antolatu du Eusko Jaurlaritzako Ingurumen Sailak. Lehiaketaren helburua da gure kostaldeari buruzko gogoeta artistikoa egitea.
Bi modalitate daude AZTERKOSTA lehiaketan: argazkia eta marrazkia.
Modalitate bakoitzean, hiru kategoriatan parte hartu daiteke:
- 1. kategoria: 0-10 urte bitartean
- 2. kategoria: 11-15 urte bitartean
- 3. kategoria: ≥16 urte
Kategoria guztiek saria izango dute eta parte hartzea zabalik dago eta edozeinek aurkeztu dezake lanen bat lehiaketara: ikastetxeetako ikasle eta irakasleek, elkarteetako kideek, denbora libreko taldeetakoek, banakakoek…
Lehiaketara aurkezten den obra bakoitzarekin batera egilearen datuak jarri behar dira garbi.
NON AURKEZTU LANA?
- Bilboko Ingurugela: Ondarroa 2. 48004 BILBAO
- Gasteizko Ingurugela: Baiona 56-58. 01010 VITORIA-GASTEIZ
- Donostiako Ingurugela: Basotxiki 5. 20015 DONOSTIA-SAN SEBASTIÁN
- Legazpiko Ingurugela: Brinkola auzoa z/g. 20220 LEGAZPI
- Edo, bestela, aztertu@euskadi.eus helbide elektronikora bidaliz.
LANAK AURKEZTEKO AZKEN EGUNA
Abenduak 15.
Informazio gehiago nahi izanez gero, irakurri lehiaketaren oinarriak.
