Aurtengo Zinea Kalean zikloari bukaera emango dio ostiral honetako emanaldiak. 2006ko Little Miss Sunshine klasikoa izango da ikusgai 22:00etatik aurrera, eta eguraldiak ahalbidetzen badu, saioa hondartzan egingo da; bestela, Herriko Plazara ekarriko du Udalak emanaldia. Behin betiko erabakiaren berri ostiralean bertan emango du.
Filmak Hoover familiak AEBen mendebaldera egindako bidaia izango du hizpide. Volkswagen furgoneta zahar batean doaz aitona, gurasoak eta bi seme-alabak, Olive alaba gazteenak edertasun-lehiaketa batean parte hartu dezan. Neskatoaren ametsa betetzeko egindako bidaia horrek familia osoa eraldatuko du.
Nazioarteko film onenen zerrendetan ageri ohi den filma da, komedia eta drama uztartzen dituen road movie estatubatuarra. Ordu eta erdi pasatxoko iraupena du, eta Orion euskaraz izango da ikusgai.
