Euskalmetek alerta laranja ezarri du larunbaterako, abenduak 7, itsasaldeko arriskuagatik. Eusko Jaurlaritzako Segurtasun Sailak emandako gomendioei jarraiki, Udaltzaingoak Antilla hondartzako espigoia, edo harriurtzia, itxiko du egun horretan, itsas-gorekin bat eginez: lehen orduan, 10:00ak arte, eta 18:00etatik abenduaren 8ko goizera arte.
Alerta laranja mantentzen bada, espigoiak ere itxita jarraituko du hori altxatu arte.
Udalak dei egiten die herritarrei udaltzainek emandako gomendioak eta ezarritako neurriak errespetatu ditzaten.
