2026ko San Nikolas festak antolatzeko azken bilera egingo du herriko festa-batzordeak azaroaren 4an, asteazkenarekin, 19:00etan, Kultur Etxean.
Urriaren 7an eta 21ean egindako bileretan, festen programazioaren oinarriak landu eta egitarauaren ikuspegi orokorraren lanketa egin dute, herriko eragileen eta herritarren proposamenak kontuan hartuta. Urriaren 28an, Gazte Eguna antolatzeko bilera ere egin da herriko gazteekin.
Azken bilera honetan, aurreko saioetan egindako lanketatik abiatuta, festen egitaraua behin betiko ixtea izango da helburu nagusia. Horretarako, jarduerak, artistak, ordutegiak eta guneak zehaztuko dira. Horrez gain, behar teknikoak landu eta eragileen arteko koordinazioa bideratuko da, festen antolaketa behar bezala lotuta uzteko.
Udalak herriko eragileei, elkarteei eta herritarrei dei egiten die festa-batzordearen azken bileran parte har dezaten, guztion ekarpenekin osatu nahi baita aurtengo San Nikolas festen egitaraua.