Aurtengo Euskal Herriko Itzuliari amaiera emango dion etapa erlojupeko bat izango da, honako ibilbidea egingo duena: Oriotik Aiara eta handik berriz Oriora.
Etapa apirilaren 12an jokatuko da eta, horren ondorioz, hainbat errepide trafikoari itxita izango dira 14:00etatik 18:30era:
- N-634 errepidearen Orioko ibilbidea bi norabideetan.
- GI-3710 errepidea, Santio eta Andatza auzoetatik pasatzen dena, bi norabideetan.
- GI-3161 errepidea, Ubegundik pasatzen dena, bi norabideetan.
Larrialdiak
Errepidea itxita dagoen bitartean larrialdiren bat gertatzen bada, 112 zenbakira deitu behar da eta SOS Deiakoak antolatzaileekin jarriko dira harremanetan, aurreikusitako Larrialdi Plana abian jartzeko.
Probaren ibilbidean DYAko hainbat anbulantzia jarriko dira, han-hemenka, probaz kanpo gerta daitezkeen larrialdiei kasu egiteko.
Aparkatzeko mugak
Orioko hainbat kaletan aparkatzeko debekua ezarriko da, lasterketa dela eta:
- Antilla kalea.
- Hondartza kalea.
- Eusko Gudari kalea.
- Herriko Plaza.
Kale horietan galarazita egongo da aparkatzea apirilaren 11ko 12:00etatik hasi eta apirilaren 12ko lasterketa bukatu arte.
Normalean kale horietan aparkatzen dutenek Mendibeltz zelaiaren ondoko aparkalekua erabili ahal izango dute.
Apirilaren 12ko 14:00etatik 18:00etara bitartean ibilgailua erabili behar dutenek, beraz, Orioko herri gunetik atera beharko dute: Xuai baserri ingurura edo Ortzaika ingurura.
Tren zerbitzua
Tren zerbitzuan ere aldaketak izango dira:
- Bilbotik Donostia aldera doazen bidaiariek Orion jaitsi beharko dute trena aldatu eta bidaia jarraitzeko. Bidaiariek trena erabiltzeko moila berezia prestatzen ari dira.
- Tren zerbitzu berezia izango da Oriora etortzeko, bai Donostiatik eta bai Zarauztik.
Lasterketa ikustera beren ibilgailuan datozen bizikleta zaleek Zarauztik barrena etorri beharko dute Oriora eta ibaiaren beste aldeko moila berrian aparkatu, Oribarzar inguruan. Aparkaleku hartatik aukera izango dute errioa txalupaz pasatzeko, doan, lasterketaren helmuga ingurura.
Istripuak aurreikusteko
Istripurik ez gertatzeko, komeni da txakurrak eta bestelako animaliak lotuta edukitzea lasterketa garaian.
Kirol proba ikustera hurbilduko diren guztiei eskatzen diegu zorrotz betetzea antolatzaileek emandako aginduak, dena ondo atera dadin eta arazorik ez izateko.
