Danbolin Musika Eskolak urtero antolatzen duen DanbolinFest jaialdia maiatzaren 13an egingo da aurten, larunbatarekin. Instrumentuko eta dantzako ikasleak kalejiran joango dira musika-eskolatik Herriko Plazara eta han ekitaldi labur bat izango da, Danbolin musika- eta dantza-eskolaren marka berria aurkezteko. Ondoren, urteroko bazkaria egingo dute eskolako ikasle, irakasle eta gurasoek eta, bazkalondoan, karaokea izango da.
Hau izango da programa:
- 11:30 Kalejira, instrumentuko eta dantzako ikasleekin
- 14:00 Marka berriaren aurkezpena
- 14:30 Bazkaria
- 17:00 Karaokea
Dagoeneko banatu dituzte bazkaritarako txartelak eta 100 lagun inguruk parte hartuko du. Norbaitek interesa badu bazkaritara joateko, deitu dezala Danbolin Musika Eskolara (943 833 727).
