Orioko Arraunketa Elkarteak aurten 50 urte bete dituela-eta, nazioarteko estropadak antolatu ditu apirilaren 4an, ‘Babyauto sari nagusia’ izenarekin. Horren aurkezpen publikoa asteazkenean izango da, martxoak 25, 12:00etan hasita, Orioko Herriko Plazan.
Jendaurreko aurkezpen-prentsaurreko horretan emango dira estropadaren xehetasun guztiak: parte-hartzaileak, ordutegiak, egun osoko egitaraua…
Herritarrak eta komunikabideak gonbidatuta daude parte hartzera.
Parte-hartzaileak
Aurkezpen-prentsaurrekoan honako lagunek hartuko dute parte:
- Ibon Huegun, Orioko Arraunketa Elkarteko presidentea.
- Beñat Solaberrieta, Orioko alkatea.
- Asier Sarriegi, Gipuzkoako Foru Aldundiko kirol zuzendaria.
- Jon Redondo, Eusko Jaurlaritzako kirol zuzendaria.
- Ibon Maza, Babyauto enpresaren ordezkaria.
- Migel Anjel Millares, Orioko mutilen zortzikoaren entrenatzailea.
- Iñaki Arostegi, Orioko Arraunketa Elkarteko idazkaria.
