San Nikolas egunean, abenduak 6, Orioko Arraun Elkarteak azken lau urteetan irabazitako banderak bedeinkatuko ditu.
Goizeko 11:00etan meza nagusia izango da, Salatxo abesbatzaren parte hartzearekin eta, ondoren, nahi duten oriotar guztiek hitzordua dute bazkaltzeko.
Bazkaria
Udalak eta Arraun Elkarteak elkar lanean antolatutako arraun festa ohizko bazkariarekin bukatuko da. Bazkaria Saizar sagardotegian izango da eta parte hartu nahi dutenek Karela kiroldegian erosi behar dute txartela, aldez aurretik.
Txartelaren prezioa 25 eurokoa izango da eta erosteko azken eguna abenduaren 1a izango da.
Bedeinkatuko diren banderak
Azken bedeinkazioa 2002an egin zen. Beraz, aurten, azken lau urteetan lortutakoak bedeinkatuko dira.
Guztira 49 bandera dira:
2003: 8 bandera
2004: 9 bandera
2005: 18 bandera
2006: 14 bandera
Traineruetan: 10 bandera
Trainerilletan: 4 bandera
Bateletan: 31 bandera
Zortzikoan: 2 bandera
Arraun ergometroan: 2 bandera
Guztira: 49 bandera
