Ekainaren 13tik 16ra, astelehenetik ostegunera, 2021-2022 ikasturtea agurtzeko kontzertuak emango dituzte Danbolin Musika Eskolako instrumentu- eta dantza-ikasleek. Urte osoan ikasitakoa erakutsiko diete lagun eta senideei kultur etxeko emanaldietan, eta ostegunean, hilak 16, dantza-ekitaldiarekin itxiko dute programa Herriko Plazan, 17:00etan.
Hau izango da egitaraua:
Ekainak 13, astelehena
- 17:00etan eta 18:30ean, instrumentuen kontzertuak kultur etxean.
Ekainak 14, asteartea
- 17:00etan ikasle gazteenen kontzertu pedagogikoa eta diploma-banaketa, eta 18:30ean instrumentuko ikasle helduen kontzertua eta diploma-banaketa.
Ekainak 15, asteazkena
- 17:00etan eta 18:30ean, instrumentuen kontzertuak kultur etxean.
Ekainak 16, osteguna
- 17:00etan dantza-ekitaldia Herriko Plazan.
- 18:30ean instrumentuen kontzertua kultur etxean.
Ikasleak gogotsu ari dira emanaldiak prestatzen, eta herritar guztiei egin diete bertaratzeko gonbita.
