Gure Esku Dago herri ekimena aurkeztuko da ostiralean, maiatzak 30, kultur etxean, 19:30ean hasita.
Ekitaldia bideo emanaldi batekin hasiko da eta, ondoren, berriketaldia izango da bertaratzen direnen artean. Gai nagusia, ekimenaren aurkezpenaz gain, ekainaren 8ko giza-katearen antolaketa izango da.
Ekainaren 8ko giza-katea
Ekainaren 8an erabakitzeko eskubidearen aldeko giza-kate bat osatzeko deia egin du Gure Esku Dago ekimenak, Durangotik Iruñera bitartean. Dagoeneko ehunetik gora herritar dago apuntatuta, giza-katean parte hartzeko.
Ostiraleko ekitaldian ere aukera izango dute izena emateko hala nahi dutenek.
Udalak babesa ematen dio ekimenari eta kostuaren zati bat hartuko du bere gain: autobusaren gastua 10 eurokoa da pertsonako, eta Udalak 5 jarriko ditu. Hala erabaki du, aho batez, Kultura, Euskara, Hezkuntza eta Festetako batzordeak.
