Orioko Udalak antolatutako udako ekitaldi-programaren barruan, guztira 17 emanaldi egingo ditu Gure Zirkuak Orion: asteazken, ostegun, ostiral eta igandetan, bana, 19:00etan; eta larunbatetan, berriz, bina emanaldi: 18:00etan bat eta 20:30ean bestea.
Gure Zirkuaren karpa Mendibeltz futbol eta sofbol zelaiaren ondoan instalatuko da, berdegunean.
Sarrerak salgai uztailaren 17tik aurrera
Sarrerak internetez jarriko dira salgai, asteazken goizeko 9:00etan, honako bi lekuetan:
Lehen euskal zirkua
Gure Zirkua historiako lehen euskal zirku ibiltaria da eta arrakasta handia izaten ari da Euskal Herrian barrena. Malabarista, trapezista eta ekilibrista euskaldunek parte hartzen dute bertan, Iker Galartza antzezle eta antolatzailearen esanetara. Emanaldietan ikastaroak ere antolatzen dituzte, helduek eta haurrek zirkuaren sekretuak ikas ditzaten.
