Udalbatzarrak ohiko bilkura egingo du ostegunean, urriak 31

Bilkura udalbatzarraren aretoan izango da, udaletxean, eta 19:30ean hasiko da. Gai hauek aztertuko dira:

1.- Irakurri eta onartzea, egoki bada, udalbatzarraren 2019ko irailaren 26ko ohiko bilkurako aktaren zirriborroa.

2.- Onartzea, egoki bada, EAJ talde politikoko ordezkarien izendapena Urola Kostako Udal Elkarteko Zuzendaritza Batzordean.

3.- Onartzea, egoki bada, Kostaren eta Itsasoaren Iraunkortasun Zuzendaritza Nagusiak emandako baldintza eta preskripzioak, 1965eko abenduaren 10eko Ministerio Aginduaren bidez emandako kontzesioa luzatu eta aldatu ahal izateko. Kontzesio horrek, gaur egun, eremu itsas-lehortarraren jabari publikoko 295 m2-ko azalera hartzen du, Orioko Antilla hondartzarako zerbitzuak emateko instalazioen eraikin baterako.

4.- Onartzea, egoki bada, EH BILDU talde politikoak aurkeztutako mozioa, Gipuzkoako Foru Aldundiak hondartzetako salbamendu- eta sorospen-zerbitzua kudeatu dezala eskatzen duena.

5.- Onartzea, egoki bada, “Xua gurasoekin etxera” herri-ekimenak aurkeztutako mozioa.

6.- Eskariak eta galderak.