Larunbatean, urriak 4, organo-kontzertua izango da Bariko San Nikolas elizan, parrokiak eta Udalak antolatuta, Gipuzkoako Foru Aldundiaren laguntzarekin. Kontzertua 20:30ean hasiko da.
Organo-jotzaile ezaguna
Kontzertua Ulrike Northoff organo-jotzaileak emango du. Izen handiko organo-jotzailea da, Europa osoan jotzen ibilitakoa.
Stuttgart-etik gertu dagoen Esslingen hiriko Eliz Musikaren Kontserbatorioan egin zituen organo-ikasketak eta 14 urte besterik ez zituela eskuratu zuen organo-jotzaile diploma eskola hartan. Gero Heidelberg hiriko Goimailako Eliz Musika Eskolan jarraitu zituen trebakuntza ikasketak Bossert, Radulesku eta Ruebsam irakasleen gidaritzapean, besteak beste, eta han Goimailako Diploma lortu zuen, oso emaitza onekin. Hainbat urtez Meissen hiriko katedraleko organo-jotzailea izan da. Gaur egun Europan zehar ari da kontzertuak ematen: Alemanian, Inglaterran, Suitzan, Txekiako Errepublikan, Holandan, Belgikan, Lituanian, Frantzian, Italian… Egunkarietako kritiketan goraipamenak baizik ez ditu jaso, eta guztiek azpimarratzen dute organoa jotzerakoan erakusten duen trebezia eta garbitasuna.
PROGRAMA
Joko dituen piezak honako hauek dira:
Organorako hamabi bakarrizketa……Josef Rheinberger (1839-1901)
VII Con moto
V Andante amabile
Sonata Si Bemol maiorrean…………..Felix Mendelssohn (1809-1847)
Allegro con brio
Andante religioso
Allegretto
Allegro maestoso e vivace
24 pieza modu librean……………………….Louis Vierne (1870-1937)
Reverie
Prelude
Pastorale (0p 19)…………………………….Cesar Franck (1822-1890)
Andantino quasi allegretto
Andantino
Sonata Re minorrean………………………Gustav Merkel (1827-1885)
Risoluto allegro
Andante
Allegro risoluto
Fuga
