Iaz bezala aurten ere, hondartza-denboraldia luzatzeko erabakia hartu du Udalak. Gipuzkoako kostaldeko herrietan bezala, ekainaren 15etik irailaren 15era egunero egongo da sorospen-zerbitzua, baina horrez gain, ekaineko lehen bi asteburuetan (ekainaren 1-2 eta 8-9) eta iraileko azken bietan (irailak 21-22 eta 28-29) ere eskainiko da zerbitzua.
Udako denboraldiari begira, gainera, beste bi egokitzapen egingo ditu aurten Udalak:
- Hondartza inguruko aparkalekuetan topeak jarri dira, 5 metro baino luzeagoak diren ibilgailuek (autokarabanak) aparkatzeko aukerarik izan ez dezaten. Neurri honen bidez espaloietako pasabidea bermatuko da, gainera.
- Hondartzaren iparraldeko dutxak hegoalderako jarriko dira, itsasgora dagoenean urak ez ditzan harrapatu. Azken urteetan hainbatetan gertatu da, eta aldaketa honekin dutxak uneoro erabilgarri egon daitezen lortuko da.
![](https://orio.eus/wp-content/uploads/2024/05/HondartzakoAldaketak24-300x109.jpg)
Kabinak
Antillako kabinek ere sorospen zerbitzuaren egutegia izango dute; ekainaren 15etik irailaren 15era egunero, eta baita ekaineko eta iraileko gainerako asteburuetan ere. 11:00etatik 20:00etarako ordutegia izango dute, eta komunak eta dutxa hotzak doakoak izango dira.
Aulkiak, surf-taulak eta eguzkitako aterkiak takiletan uzteko aukera ere izango da, eta prezioak hauek izango dira:
- Aulkiak, paipoak eta eguzkitako aterkiak: Eguna, 0,6 euro; astea, 2,50 euro; hilabetea, 7,50 euro; eta denboraldi osoa, 20 euro.
- Etzaulkiak eta surf-taulak: Eguna, 1 euro; astea, 5 euro; hilabetea, 13,50 euro; eta denboraldia, 35 euro.