Iaz bezala, Urola Kostako Landa Garapeneko Elkarteak Urkome sarien deialdia egin du, eskualdeko landa-eremuan egiten diren ekimen edo jarduera berritzaileak saritzeko.
Guztira, 6 sari emango dira, bakoitza 3000 eurokoa.
Aurkezten diren proposamen guztien artean onenak aukeratuko ditu epaimahaiak honako irizpide hauen arabera:
- Ideia berritzailea izatea, produktu edo zerbitzu berria sortzeko.
- Berrikuntzak egitea gaur egun egon badauden produktu edota zerbitzuetan.
- Teknologia berrien aplikazioak aurreikusten dituzten proiektuak edo ideiak.
- Bideragarritasun ekonomikoa baloratuko da.
- Enplegua sustatzen duten proiektuak baloratuko dira.
- Berdintasuna aurreikusten duten proiektuak.
- Gazteen ideiak gehiago baloratuko dira.
Atalak
Sei atal hauetan emango dira sariak:
- Nekazaritza jardueraren garapena.
- Landa-eremuko bizi-kalitatearen hobekuntza.
- Jarduera ekonomikoaren dibertsifikazioa.
- Landa-eremuaren funtzioen zehaztapena eta errekonozimendua.
- Sari berezia: IREKIA, bozka bidez emango dena.
- Ingurugiro etxea fundazioak emandako saria.
Epaimahaia
Epaimahaiak askatasun osoa izango du sariak emateko eta adostasunez hartuko ditu erabakiak, goian adierazitako irizpideen arabera.
Oinarriak
Tokia eta epea: Proposamenak Urkomeren bulegoan aurkeztu behar dira (Enparan 1-2, 20730 Azpeitia), azaroaren 15a baino lehenago.
Dokumentazioa bi zatitan banatuta aurkeztuko da: batetik, datu pertsonalak eta, bestetik, proiektu edo egitasmoari buruzko informazioa.
Sariak: Guztira, 6 sari izango dira, bakoitza 3000 eurokoa.
Eremua: Urola Kostan garatutako proiektuak sarituko dira.
Parte-hartzaileak: Erakundeak, elkarteak, partikularrak eta sektoreko enpresak.
Proiektuak: 2011. urtean egitasmoa edo ideia aurkeztu, baina exekuzioa garatu gabe dutenak.
Informazio gehiago
Urola Kostako Landa Garapenerako Elkartea (URKOME)
Helbidea: Enparan, 1-2. 20730 AZPEITIA
Telefonoa: 943 81 65 00
urkome@urkome.com
