Udalerri euskaldunetako gazteentzako topaketa antolatu du UEMAk aurten ere eta dagoeneko zabalik dago izena emateko epea.
Topaketa ekainaren 28tik uztailaren 4ra izango da eta,15-18 urte arteko gazteei zuzenduta dago, eta, aurreko edizioetan bezala, ibiltaria izango da: Zumaiatik Lekeitiorako bidea egingo dute gazteek.
Iaz bertan behera geratu zen topaketa, pandemiagatik, eta aurten gogo biziz bultzatu nahi du UEMAk; hori bai, beharrezko osasun-neurri guztiak zainduta.
Izen-ematea
Izena emateko epea aste honetan zabaldu du UEMAk, eta martxoaren 31 arte izango da zabalik.
Online egin daiteke, esteka honetan, telefonoz (943 816699) edo posta elektronikoz datuak bidalita (hezkuntza@uema.eus).
Matrikularen prezioa 89 eurokoa da.
Herri euskaldunetako gazteen topaketa
Herri euskaldunetako gazteak euskararen inguruan sentsibilizatzea, kontzientziatzea eta eragile aktibo bihurtzea da topaketen helburua: Euskaraz bizi diren gazteek inertziatik kontzientziarako saltoa ematea eta horrekin efektu biderkatzailea sortzea.
Aisialdiarekin eta euskal kulturarekin lotutako programa erakargarria gozatu ahal izango dute partehartzaileek.
Ikusi hemen informazio gehiago topaketari buruz (PDF)
Begiraleak eta sukaldariak hartzeko deialdia
Topaketarako begiraleak eta sukaldariak behar ditu UEMAk, eta horiek hautatzeko prozedura abiatu du.
Topaketan begirale edo sukaldari izan nahi dutenek ere martxoaren 31 baino lehen bidali beharko dute curriculuma, hemen zehaztutako prozedura eta baldintzen arabera:
