Abenduaren 12an, igandearekin, Gurutze Gorriak mendiko erreskate baten simulakroa egingo du Orioko itsaslabarretan. Hori dela eta, hondartzako malekoian karpak eta salbamenduko ibilgailuak jarriko dituzte behin-behinean.
SOS Deiak-en taktika operatiboak probatuko dituzte: informazio- eta komunikazio-prozedurak, esku-hartzeko eta koordinatzeko prozedurak… Ariketaren helburua da prozedura horiek aplikatu eta aztertzea, ondoren zertan hobetu daitezkeen ikusteko.
9:15etik 13:00ak bitarte hartuko dute eremua, simulakroa egiteko.
Barkatu eragozpenak.
