Ruper Ordorika Oriora etorriko da irailaren 11n, ostiralarekin, «Lurra ikutu barik» diskoa aurkeztera. Kontzertua doakoa izango da, Herriko Plazan, 22:00etatik aurrera.
Eguraldi oso txarra eginez gero, kontzertua kiroldegian egingo da. Leku-aldaketarik balego, Udalak aurrez emango du horren berri.
«Lurra ikutu barik», lan berria
Ruper Ordorikak 2025ean argitaratu zuen «Lurra ikutu barik», Elkar argitaletxearen eskutik. Hamaika kantuz osatutako lana da, 2025eko lehen erdian Adunako estudioetan grabatua. Besteak beste, Leo Abrahams, John Thorne eta Kenny Wollesen musikariek parte hartu dute grabazioan.
Diskoa Ordorikaren diskografia oparoaren parte da, hogei diskotik gora argitaratu baititu dagoeneko. Ordorikaren ibilbide osoan bezala, hitzek pisu berezia dute lan berrian ere. Soinuen eta testuen etengabeko bilaketa horretatik sortu ditu diskoa osatzen duten kantu berriak, tonu gozo eta barnerakoiarekin