Albisteak

Mintzalagun programak hizkuntza praktikatzeko aukera ematen die euskara-ikasleei eta beren maila hobetu nahi dutenei, euskaldun zaharrekin harremanetan. Talde txikitan juntatzen dira astean behin, ordu betez, honetaz eta hartaz hitz egiteko, kafe bat hartzen duten bitartean edota paseatzen duten bitartean. Baliabide ezin hobea da euskaraz gehiago eta hobeto egin nahi dutenentzat.

Urola Kostako Udal Elkarteak kudeatzen du Mintzalagun programa eta AEK-k bideratzen du Zumaia, Getaria, Zarautz, Aia eta Orion.

URKOME Urola Kostako landa-eremuen garapenaren alde lan egiten duen elkartea da. Irabazi asmorik gabeko erakundea da eta eskualdeko 11 udal eta eskualdeko nekazaritzako elkarteek osatzen dute.

Eskualdeko herri txiki eta landa-auzoak suspertzera bideratutako ekintzak antolatzen ditu eta horietako bat dira URKOME SARIAK, aurten 6. ediziora iritsi direnak. URKOME SARIAK bi urtetik behin ematen dira.

Proposamenak aurkezteko epea urriaren 21etik azaroaren 21era bitartekoa da.

Orioko Udalak, lehenengo aldiz, gune bat sortu du, herriko emakumeek prestakuntza jasotzeko, hausnartzeko eta elkarrekin egoteko. Gune hori kultur etxean kokatu du eta dagoeneko martxan dago.

Gaur eguerdian egin dute Ahalduntze Eskolaren aurkezpena udaletxean. Bertan izan dira, batetik, Anuska Esnal alkatea, eta, bestetik, Orioko emakumeen diagnosia egin berri duten bi teknikariak: Eider Goiburu eta Aizpea Esnaola.

145 orduko prestakuntza-programa bat izango da eta azaroaren 4an hasiko da.

Prestakuntzaren helburua hau izango da: herritarrak gaitzea enpresetan lan egiteko beharrezkoak diren baliabide teknologikoetan.

Norentzat

Goi mailako ikasketak dituzten eskualdeko herritar guztiei bideratuta dago ikastaroa: langileei nahiz lana bilatzen ari direnei.

Programaren xehetasunak

Guztira, 145 orduko ikastaroa izango da. Lehen prestakuntza fasean (130 ordu) lan-merkatuan aritzeko beharrezkoa den teknologiaren ezagutza praktikoa eskainiko da. “Lan-mundura zubia” izeneko bigarren fasean (15 ordu), aldiz, lana bilatzeko baliabideak ezagutu eta entrenatzeko aukera eskainiko da.

Orioko Udaleko Euskara Zerbitzuak bi urtetik behin neurtzen du euskararen erabilera kalean eta aurtengo neurketak ondorio garbi hau utzi du: euskararen erabilera igo egin da, batez ere helduen artean.

Azken urteotan —bereziki, 2011tik hona— beheranzko joera izan du euskararen erabilerak Orion, baina, aurtengo neurketaren arabera, joera hori aldatu egin da.

Bederatzi puntu gora

Euskara Zerbitzuak 2017an egin zuen azken neurketa eta, harekin alderatuta, aurtengoan bederatzi puntu igo da euskararen erabilera orokorra.

Igoerarik handiena helduen taldean gertatu da (25-64 urtekoen artean): % 57tik %72ra. Beste adin-taldeetan aldaketak ez dira horren handiak, nahiz eta atentzioa ematen duen gazteen artean jaitsiera txiki bat izan dela.

Urriaren 23an, asteazkenarekin, aurkeztuko da udaletxean Orioko Ahalduntze Eskola, prentsa aurreko agerraldi baten bidez.

Agerraldia 12:00etan hasiko da eta udalbatzarraren aretoan egingo da.

Agerraldian parte hartuko dutenak:

• Anuska Esnal alkatea
• Eider Goiburu eta Aizpea Esnaolak, Orioko emakumeen ahotsak biltzen dituzten diagnosiaren egile eta ahalduntze eskolako teknikariak
• Maite Ortiz, Udaleko gizarte-langile eta berdintasun-teknikari

Oinarrizko ikastaroa izango da eta Rosaura Bravo jostun oriotarrak emango du. Ostargi elkarteak antolatu du, Udalaren laguntzarekin.

Ikastaroa irekia da josten ikasi nahi duten guztientzat. Ostargik, bereziki, gazteak apuntatzea nahi du eta, ahal bada, genero aldetik orekatua izatea (gizasemeek ere parte hartzea, alegia).

Non eta noiz

Ikastaroa kultur etxean emango da, doan, azaroan hasi eta Gabonak arte. Hasiera batean bi hilabetekoa izango da, baina baliteke gero luzatzea, jendeak hala nahi badu.

Urola Kostako Udal Elkarteak, "EKITEN, ekintzaile eta enpresarien ekosistema" egitasmoaren barruan, beste prestakuntza-tailer bat eskainiko du ekintzaile eta enpresari txikientzat. “Komunikazioaren balioa salmenta-prozesuan” tailerrak oso harrera ona izan duela ikusita, Udal Elkarteak beste bat antolatzea erabaki du, erabat praktikoa izango dena.

Komunikazioaren balioa salmenta-prozesuan

Eskualdeko ekintzaile eta enpresari txikiei bideratutako saioaren helburua hau da, funtsean: salmenta-prozesuak hobetzeko estrategia eta erremintak eskaintzea; kasu honetan, fokua komunikazioan jarrita. Gaur egun, marketing arazorik larriena zera da: salmenta-prozesuan huts egiten duela komunikazioak, ez dela modu eraginkorrean erabiltzen. Saio praktiko honen bitartez, bezeroarekiko komunikazio egokia lortzeko metodologia eta hainbat tresna erakutsiko zaizkie parte-hartzaileei.

Eusko Jaurlaritzako Ingurumen, Lurralde Plangintza eta Etxebizitza Sailak Etxebizitzaren erabilerari buruzko inkesta bat jarri du martxan eta, lan zabal horren barruan, Orioko zenbait etxebizitza ere bisitatuko ditu egun hauetan.

Inkestaren helburua da ohiko bizilekua ez diren etxebizitzen fenomenoa aztertzea; horretarako, okupatu gabe dauden etxebizitzen kopurua kalkulatuko dute eta etxebizitza horien egoera eta ezaugarriak aztertuko dituzte.

Ikertalde SA enpresa arituko da etxez etxe inkestak pasatzen eta behar bezala identifikatuta agertuko dira etxeetara.

Gaurko egunez hasi dira inkesta horiek pasatzen eta egun batzuk beharko dituzte guztiak egin eta Orioko lana bukatzeko. Ez dituzte etxebizitza guztiak pasatuko, baizik-eta aukeratutako lagin bat.

Udalak laguntza eskatzen die herritarrei, inkestatzaile horiek lana behar bezala egin ahal izan dezaten eta informazio zuzena jaso dezaten

Kataluniako hainbat buruzagi politiko eta soziali ezarri dizkieten zigorrak direla-eta, Euskal Herriko gehiengo sindikalak (ELA, LAB, STEILAS, ESK, ETXALDE, HIRU) langileen elkarretaratzeak deitu ditu bihar ostiralerako, urriak 18, ‘Erreferenduma ez da delitua. ASKATASUNA’ lelopean.

Orioko Udalak bat egin du deialdiarekin eta herritarrak deitu ditu Orioko elkarretaratzean parte hartzera.

Herriko Plaza obragatik itxita dagoenez, ostegun goizeko azoka tokiz aldatuko du Udalak. Datozen asteotan kiroldegiaren eta Arantzazuko Andra Mariko etxebizitzen artean kokatuko da azoka, argazkian eta planoan horiz markatuta ikusi daitekeen tokian.

Aurreko egunotan Udalak bilerak egin ditu azokako postuak jartzen dituztenekin eta, hainbat aukera aztertu ondoren, inguru horretan egitea adostu dute.

Euskaltzaleen Topaguneak kontratatu du, lan erdiz, Udal Elkartearekin sinatutako hitzarmenari esker.

Topaguneak eta Urola Kostako Udal Elkarteak euskararen normalizazioa sustatzeko lankidetza-hitzarmena sinatu dute eta horren aurkezpena egin zuten atzo Zarautzen, Udal Elkartearen egoitzan. Aurkezpen-ekitaldian parte hartu zuten, baita ere, Lourdes Salsamendi Udal Elkarteko presidenteak eta Kike Amonarriz Topaguneko presidenteak, biak ere kargua hartu berriak.

Hitzarmen horri esker Topaguneak hiru dinamizatzaile hartu ditu, eskualdean Euskaraldia dinamizatzeko: Egoitz Dorronsoro, Orio eta Aiarako; Alazne Aizpurua, Zarautzerako; eta Sara Saizar, Zumaia eta Getariarako. 15 hilabeteko kontratua egin zaie hiru gazteei: 2019ko urrian hasi eta 2020ko abenduaren bukaera arte.