Ametsa gaztelekua prest dago 2014-15 ikasturteari ekiteko eta, hasteko, inaugurazio-festa bat antolatu du irailaren 26ko arratsaldean, ostiralarekin.
Gaztetxoak gonbidatuta daude inaugurazio-festan parte hartzera.
IRAIL-URRIETAKO JARDUERAK
Ametsa gaztelekuak erabakita dauzka dagoeneko irailaren bukaera arte eta urrian antolatuko dituen jardueretako batzuk:
Irailaren 26an, esanda bezala, ikasturte berriaren inaugurazio-festa izango da.
Irailaren 28an, igandearekin, bingo-lehiaketa antolatu dute.
Urriaren 8, 10, 11 eta 12an gaztelekua margotuko dute elkarlanean eta gaztetxoen laguntza eskatzen dute horretarako.
Urriaren 18an piragua-irteera egingo dute.
Urriaren 26an, berriz, 2. ping-pong txapelketa jokatuko da gaztelekuan.
ORDUTEGIA
Gaztelekuaren ordutegia honako hau izango da ikasturte honetan:
Astelehen, astearte eta asteazkenetan: 16:45 – 20:00
Ostegunetan: ITXITA
Ostiraletan: 16:45 – 21:00
Larunbatetan: 16:30 – 21:00
Igandetan: 16:30 – 20:30
