Datorren larunbatean, otsailak 15, Arraun Eguna izango da Orion. Egun osoko programa prestatu du Arraun Elkarteak Udalaren laguntzarekin. Estropada arratsaldez izango da errioan eta gainerako ekitaldiak Herriko Plazan egingo dira. Hori dela-eta, Herriko Plaza goizetik itxiko da ibilgailuentzat.
Arratsaldeko estropadarako izena emateko epea gaur ixten da eta dagoeneko 79 ontzik eman dute izena. Inoiz baino gehiago.
PROGRAMA
12:00 Orioko Arraun Elkarteko gazte mailako arraunlarien aurkezpena Herriko Plazan
ONDOREN Pintxo eta sagardo dastaketa
15:00 Gipuzkoako mus ligaren finala Herriko Plazan
16:00 ESTROPADAK ERRIOAN: Oria ibaiaren 20. jaitsiera, 3. Babyauto bandera
ONDOREN Sari banaketa Herriko Plazan (Arraunketa Elkarteko porra asmatu dutenen arteko zozketa sari banaketaren ostean egingo da)
17:00 Danbolin musika eskolako ikasleen dantza emanaldia Karela kiroldegian
GOIZ ETA ARRATSALDEZ Herriko txaranga ibiliko da kalez kale
